Қазкеңес жаңалықтары
KazKENES жаңалықтарыавлодар ауданының оқушыларына ыстық тамақты ұйымдастыру туралы
Павлодар аударнының Қоғамдық кеңесінің кезекті отырысы өтті, онда бірқатар мәселелер қаралды.
Павлодар ауданының білім бөлімінің басшысы Ж. К. Дүйсекенова Павлодар ауданының оқушыларына ыстық тамақты ұйымдастыру туралы хабарлады.
Білім беру ұйымдары жыл сайын оқушыларды ыстық тамақпен 100% қамтамасыз ету бойынша шаралар қабылдайды.
Ауданның 27 мектебінде 27 асхана жұмыс істейді, олар бастауыш сыныптардың 1600 баласын тегін ыстық тамақпен қамтамасыз етеді, сондай-ақ мемлекеттік атаулы әлеуметтік көмек алуға құқығы бар, мемлекеттік атаулы әлеуметтік көмек алмаған, жан басына шаққандағы орташа табысы ең төменгі күнкөріс деңгейінен төмен отбасылардан шыққан 609 оқушы, жетім балалар және ата-анасының қамқорлығынсыз қалған балалар және төтенше жағдай салдарынан зардап шеккен 1 бала; білім беру ұйымының алқалы органы айқындайтын оқушылардың 40 өзге санаты.
Қоғамдық кеңестің отырысына дайындық барысында кеңес мүшелері мектептерде ыстық тамақтануды ұйымдастыруға мониторинг жүргізді, оның барысында мәзірмен, өнімге сертификаттардың болуымен, мектеп асханаларының қызметкерлерінде санитарлық кітапшалардың болуымен танысты: асханаларда мәзір ілінеді, санитарлық кітапшалар мен сертификаттар бар, оқушылардың тегін тамақтануға арналған тізімдері бар.
Мәселені талқылау кезінде мектеп оқушыларының арасында қандай да бір себептермен тегін ыстық тамақ алмайтын және ата-аналарының материалдық қиындықтарына байланысты мектепте тамақтану мүмкіндігі жоқ балалар бар екендігі атап өтілді.
Білім бөліміне, мектеп директорларына ата-аналар комитетінің мүшелерімен бірлесіп оқушылардың отбасыларын аралап, балалардың тұру жағдайларымен, отбасылардың материалдық жағдайымен танысып, тексеру нәтижелері бойынша балаларды тегін тамақтану үшін тізімге қосымша енгізу жөнінде шешім қабылдау ұсынылды.
Жеке тұрғын үй құрылысына жер учаскелерін беру бөлігінде жер заңнамасының орындалу барысы туралы мәселе бойынша жер қатынастары бөлімінің басшысы К. Т. Бейсекеев, сондай-ақ Мичурин ауылдық округі әкімінің м. а. Г. А. Қыпшақбаева және Шакат ауылдық округінің әкімі А. А. Әубәкірова сөз сөйледі.
Қоғамдық кеңестің төрағасы Б. Т. Баткеев бұл мәселе халық үшін ашықтық пен қолжетімділікті және ауылдық округ әкімдері тарапынан жауапкершілікті талап ететінін атап өтті. ЖТҚ үшін жер учаскелерін алудың электрондық кезегі бар, онда Қазақстанның басқа өңірлерінің тұрғындары тұрады және олар біздің өңірде жер учаскелерін сатып алуға әрқашан қызығушылық танытпайды және сонымен бірге кезектен бас тартпайды, бұл жергілікті кезекте тұрғандарға учаскелерді сатып алу мүмкіндігін қиындатады.
Талқыданған мәселелер бойынша нақты ұсынымдар жасалды.
Фото
