Ақмола облысы Жарқайың ауданының Қоғамдық кеңесінің отырысы өтті

Ағымдағы жылдың 28 қарашасында Д. Шакировтың төрағалығымен ауданның Қоғамдық кеңесінің отырысы өтті. Отырысқа Қоғамдық кеңес мүшелері, аудандық мәслихаттың төрағасы, аудан әкімінің орынбасары, ауданның Құрметті азаматтары, мемлекеттік мекемелердің басшылары, қала тұрғындары мен БАҚ өкілдері қатысты.
Отырыс барысында қаралған мәселелер: «Азаматтардың өтініші бойынша Державин қаласының аумағындағы жазғы су құбырының жағдайы». Баяндамашылар: ауданның Құрметті азаматы О.П. Решетнёв; «Коммунсервис» ШМК КҚК директорының м.а. Н.Е. Елемесов.
«ТБН-4 «Сыбайлас жемқорлықтың алдын алу және оған қарсы іс-қимыл» бағытының іске асырылуы туралы ақпарат». Баяндамашы: мемлекеттік-құқықтық жұмыс және құжаттамалық қамтамасыз ету бөлімінің басшысы О.А. Гуменная. «2025 жылға мемлекеттік қызметтер көрсету мәселелері жөніндегі Жарқайың ауданы әкімдігінің жұмысы туралы есеп». Баяндамашы: мемлекеттік қызметтерді көрсету жөніндегі талдау бойынша бас инспектор А.Н. Лукашова-Шершнева.
«2026 жылға арнайы әлеуметтік қызметтер көрсету тарифтерін бекіту туралы».Баяндамашы: «Жұмыспен қамту және әлеуметтік бағдарламалар бөлімі» ММ басшысы А.Д. Ниязбаева.
Сонымен қатар Қоғамдық кеңестің 2026 жылға арналған жұмыс жоспарының жобасы талқыланды.
Отырыста тұрғындардың жазғы су құбырының жағдайына қатысты өтінішіне ерекше назар аударылды. Тұрғындар құбырлардың тозуына және жаз мезгілінде су беру кезіндегі жиі орын алатын ақауларға алаңдаушылық білдірді. Талқылау қорытындысы бойынша жауапты қызметтерге жазғы су құбырының жағдайын жақсартуға және алдағы маусымдарда туындауы мүмкін тәуекелдерді азайтуға бағытталған нақты шараларды қабылдау ұсынылды.
Күн тәртібіндегі өзге мәселелер бойынша да мемлекеттік органдардың жұмыс тиімділігін арттыруға және көрсетілетін қызметтердің сапасын жақсартуға бағытталған орындау үшін ұсыныстар берілді.

Фото

Previous Next