Ақмола облысы. Біржан сал ауданы. Қоғамдық кеңес мүшелерінің аудан әкімімен дөңгелек үстелдегі кездесуі.

Біржан сал ауданының Қоғамдық кеңесі мүшелерінің аудан әкімі Б.К. Қасеновпен кездесу отырысы өтті.

Аудан әкімі өңірдің қоғамдық кеңес мүшелерін ағымдағы жылдың 10 айы ішіндегі әлеуметтік-экономикалық дамуының қорытындыларымен және алдағы кезеңге қойылған міндеттермен таныстырды.

Қоғамдық кеңес мүшелері аудан тұрғындарын толғандыратын мәселелерді көтерді. Атап айтқанда, Үлгі ауылындағы көп жылдық су құбыры мәселесі мен электр энергиясын беруіндегі үзілімдер, жеке қосалқы шаруашылықтар үшін жер учаскелерін бөлу, жаңа аурухана маңындағы тұрғындарды жылумен қамтамасыз ету, аудандық маңызы бар жолдарды, сондай-ақ Степняк – Уалиханов бағытындағы облыстық жолды жөндеу және басқа да мәселелер талқыланды.

Аудан әкімі атқарылып жатқан шаралар туралы айтып, аталған мәселелер аудан бюджетінің мүмкіндіктеріне қарай бақылауда болып, кезең-кезеңімен шешілетінін атап өтті.

Өз кезегінде Қоғамдық кеңес мүшелері аудан әкімдігі тарапынан жүргізіліп жатқан жұмысты атап өтіп, өңір экономикасын қарқынды дамыту бойынша жұмысты жалғастыруды және күшейтуді, инфрақұрылымдық және әлеуметтік нысандарды дамытуға бағытталған кешенді шараларды жүзеге асыруға, халықтың әл-ауқатын арттыруға, қоғамдық-саяси өмірдегі тұрақтылықты нығайтуға ерекше назар аударуды ұсынды.

Фото

Previous Next