Қоғамдық кеңес төрағасы аудандық мәслихат сессиясына қатысты

Бүгін  Е.Махмутовтың төрағалық етумен Мәслихаттың жиырма екінші сессия болды.Сессия жұмысына депутаттармен қатар аудан әкімі Ғ.Ниязов, аудан әкімінің орынбасарлары,  аудандық Қоғамдық кеңесінің төрағасы Қ.Тулепбергенов, аудандық ардагерлер кеңесінің төрағасы, ауылдар мен ауылдық округтердің әкімдері, аудан әкімдігінің дербес бөлімдері мен мекеме,кәсіпорын басшылары қатысты.

     Сессия күн тәртібіне сәйкес алғашқы болып «Маңғыстау ауданының әлеуметтік-экономикалық даму көрсеткіштері бойынша аудан әкімінің «Маңғыстау ауданының серпіні бағдарламасының орындалысы туралы» есебі бойынша аудан әкімі Ғ.Ниязов баяндама жасады.  Мәслихат депутаттары мен қоғамдық кеңес мүшелері аудан әкімінің есебін тыңдап әр елді мекен бойынша көтеріліліп жүрген өзекті мәселелердің орындалу жәйін талқылап, сұрақтар мен ұсыныстар айтты.

Аудан әкімі қойылған сұрақтар мен көтерген мәселелер бойынша нақты жауап берді.  

Аудан әкімі барлық ауыл әкімдеріне және жауапты сала басшыларына өздеріне жүктелген міндеттерді мерзімді түрде орындауды, мәселелерді уақытында шешуді  тапсырды. 

Сонымен қатар сессия жұмысында «Маңғыстау аудандық Мәслихатының 2024 жылғы 16 сәуірдегі №11/84 «Маңғыстау ауданында әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың Қағидаларын беліглеу туралы» шешіміне өзгерістер енгізу туралы,  “Маңғыстау аудандық Мәслихатының 2018 жылғы 27 наурыздағы №15/165 «Маңғыстау аудандық Мәслихатының аппараты» мемлекеттік мекемесінің «Б» корпусы мемлекеттік әкімшілік қызметшілерінің қызметін бағалаудың әдістемесін бекіту туралы» шешіміне өзгеріс енгізу туралы, 4. Аудандық Мәслихаттың 2025 жылғы 14 тамыздағы №21/165  «Жер комиссиясының құрамы туралы» шешіміне өзгерістер енгізу туралы, «Маңғыстау ауданының Құрмет грамотасымен наградтау туралы», «аудан әкім жанындағы Қазақстан Республикасының Мемлекеттік рәміздері бойынша комиссияның құрамы»,

«Маңғыстау ауданы әкімі жанындағы жастар ісі жөніндегі кеңестің құрамын бекіту туралы», «Маңғыстау ауданы әкімі жанындағы әйелдер істері және отбасылық-демографиялық саясат жөніндегі комиссияның құрамын бекіту туралы», «Маңғыстау ауданы әкімі жанындағы жеке кәсіпкерлік мәселелері жөніндегі сараптамалық кеңесінің құрамын бекіту туралы», «Маңғыстау ауданы әкімі жанындағы кәсіпкерлер кеңесінің құрамын бекіту туралы» мәселелер қаралып, қаралған мәселелер бойынша шешімдер қабылданды.

Фото

Previous Next