Ауданда сұйылтылған газ мәселесіне қатысты жиын өтті

Аудан әкімі Ғалымжан Ниязовтың төрағалығымен өткен жиынға аудандық мәслихат, қоғамдық кеңес мүшелері, ауыл әкімдері, жергілікті қоғамдастық төрағалары, кәсіпкерлер мен құқық қорғау органдар өкілдері қатысты.

Кәсіпкерлік бөлімінің мәліметінше, ауданда барлығы 66 автогаз құю бекеті жұмыс істейді. Оның ішінде 37-сі Шетпе ауылында, 29-ы ауылдық округтерде орналасқан. Ай сайын ауданға 1200-1300 тонна сұйытылған мұнай газы бөлінеді.

- Ауылдардағы көлік санына қарай газ көлемі жеткілікті болғанымен, Шайыр ауылында бір ғана бекет болғандықтан, бөлінген газ лимиті жетіспей отыр. Сондай-ақ республикалық маңыздағы трасса бойындағы бекеттерде газ тез таусылып, бұл тұрғындарға қолайсыздық тудырады, - деді кәсіпкерлік бөлімінің басшысы Сағыныш Жұбанов.

Жиында кәсіпкерлер де өз ұсыныстарын ортаға салып, қатысушылармен бірге мәселені талқылады.

• Жиын қорытындысымен ауыл әкімдеріне бөлінген сұйытылған газдың нақты белгіленген ауылдардағы газ бекеттерінде сатылуын қатаң бақылауда ұстауды;
       
        - Кәсіпкерлер өз иеліктеріндегі газ құю бекеттерінде алған лимиттерін аталған мекенжайда сатпаса тоқсандық немесе жылдық газ бөлінісі кезінде жұмыс жасап тұрған нысандарға берілетіні ескертілді;

• Полиция бөлімі мен «Казавтожол» мекемесіне республикалық жол бойында орналасқан газ бекеттерінің кірме-шықпа жолдарының жол ережесіне сәйкестігін нақтылауды тапсырды.

Сонымен қатар, алдағы уақытта бұрынырақта заңдастырып алып қойған жерлеріне газ құю бекетін салған жағдайда сол ауылдағы бөлінетін газ лимиті шегінде ( мысалы: осыған дейін 2 газ құю нысаны бар ауылда қосымша тағы да 1-еуі салынған жағдайда, сол ауылға бөлінетін лимит 3  кәсіпкерге бөлініп беріледі) ғана бөлініс жүргізілетіні туралы айтылды.

Фото

Previous Next