Қоғамдық тыңдаулардың ұсынымдарын іске асыру туралы

Қоғамдық тыңдаулардың ұсынымдарын іске асыру туралы

АҚПАРАТ

Павлодар ауданының Қоғамдық кеңесі 2025 жылдың 6 тамызында "Павлодар ауданында ерекше қажеттіліктері мен даму ерекшеліктері бар балаларға медициналық және педагогикалық қызметтер көрсету туралы, тақырыпқа қоғамдық тыңдаулар өткізді, оның қорытындысчы бойынша  ұсынымдары қабылданды.

Мемлекеттік органдар қоғамджық тыңдаулардың ұсынымдарын іске асыру бойынша жұмыс атқарды.

"Павлодар облысының жұмыспен қамтуды үйлестіру және әлеуметтік бағдарламалар басқармасы" ММ оңалту орталықтарының желісін кеңейту мақсатында Еңбек және халықты әлеуметтік қорғау министрлігі 150 адамға мүгедектігі бар адамдарға арналған оңалту орталығының құрылысы бойынша мемлекеттік сараптамасы бар ЖСҚ әзірлегенін хабарлады. Өңірдің заманауи оңалту орталығына деген қажеттілігін ескере отырып, облыс әкімдігі ұсынылған үлгілік жобаны байланыстыру бойынша міндеттемелер қабылдады. Қазіргі уақытта жоба мемлекеттік сараптамадан өту сатысында.

2025 жылғы 14 тамызда Павлодар ауданының жұмыспен қамту және әлеуметтік бағдарламалар бөлімі аудан әкімінің орынбасары мен мемлекеттік органдар өкілдерінің қатысуымен Кеменгер ауылында ерекше қажеттіліктері мен даму ерекшеліктері бар балалардың ата-аналарымен кездесу өткізді, оның барысында жаңа оңалту орталығының жобасы және Семенченко көшесі, 70 мекенжайындағы түзету орталығында қызмет алу мүмкіндігі туралы ақпарат берілді.

13-14.10. 25 Павлодар ауданының емханасы базасында облыстық психологиялық - медициналық педагогикалық комиссияның көшпелі отырысы ұйымдастырылды және өткізілді. 2 жұмыс күні ішінде дәрігерлік амбулаториялардың жолдамасы бойынша дамуында және мінез-құлқында бұзушылықтары бар 16 бала мамандардың консультациялары мен ұсынымдарын алды.

Тұрақты негізде емханада психо –дене дамуын бағалай отырып, кіші жастағы балаларды қабылдау жүргізіледі. Сөйлеу қабілеті мен мінез-құлқының бұзылуы анықталған балалар АСД-ға тестілеуден өтеді және қорытындысы бойынша ОПМПК-нің келесі көшпелі комиссиясы үшін балалар тобы құрылады.

"Павлодар ауданының білім бөлімі" ММ қоғамдық тыңдаулардың ұсынымдарын іске асыру бойынша айтарлықтай жұмыс атқарылғанын хабарлады.

ОP бар балалардың бейімделген білім беру бағдарламалары бар жалпы үлгідегі балабақшаларға бару мүмкіндігі бар, олардың құрдастарымен бірге ұжымдық іс-шараларға қатысуы үшін жағдайлар жасалады.

Бірқатар мектепке дейінгі мекемелерде кедергісіз ортаны қамтамасыз ету бойынша жұмыстар жүргізілуде: пандустар орнатылды, есік ойықтары кеңейтілді, санитарлық үй-жайлар ішінара жабдықталды, арнайы дамыту материалдар бар. ОP бар балалармен топтарда инклюзивті білім беру бойынша оқудан өткен білікті логопедтер, психологтар мен тәрбиешілер жұмыс істейді.

ОP бар балаларды тәрбиелеу және дамыту мәселелері бойынша ата-аналарға консультациялық қолдау жүзеге асырылады. Толерантты ортаны қалыптастыру үшін тренингтер, кездесулер және ашық іс-шаралар өткізіледі. Қабылданған шаралардың нәтижесінде мектепке дейінгі ұйымдарға баратын ерекше қажеттіліктері бар балалардың саны артып, олардың қоғамға бейімделуі мен интеграциясы жақсарады.

Ауданның мектептері мен мектепке дейінгі мекемелерінде 26 психолог, 17 логопед-дефектолог жұмыс істейді.

Жалпы білім беретін мектептер базасында балалардың жеке ерекшеліктерін ескере отырып сабақтар ұйымдастырылды: 

- көркем, музыкалық және қолданбалы шығармашылық үйірмелері; 

- сөйлеуді, моториканы және коммуникативтік дағдыларды дамыту бойынша сабақтар; 

- Бейімделген дене шынықтыру бойынша спорт секциялары.

Ерекше педагогикалық назар аударуды қажет ететін балалар үшін логопед мамандарын, педагог – психологтарды тарта отырып, жеке сабақтар немесе шағын топтарда оқыту көзделген.

Сабақтар психологиялық-медициналық-педагогикалық консультация-ның   (ПМПК) ұсынымдарын ескере отырып өткізіледі.

Айқын ОP бар балалар үшін мұғалімнің көмекшілерін сүйемелдеу қамтамасыз етіледі.

Фото

Previous Next