Қоғамдық кеңестің Көкшетау инженерлік инфрақұрылым объектілеріне шығуы

Бүгін Көкшетау қаласының Қоғамдық кеңес мүшелері су тазарту құрылыстарын (ВОС), Канализациялық Тазарту Құрылыстарын (КОС) және Канализациялық Сорғы Станциясын (КНС) аралап, ВОС нысанының құрылыс барысымен және КНС-тің қазіргі жағдайымен танысты. «Су-Арнасы» мекемесінің бас директоры Щенгальц Ю.В. объектілерді көрсетіп, атқарылып жатқан жұмыстардың барысы туралы толық ақпарат берді. Сондай-ақ жақын уақытта су тазарту құрылыстарының іске қосылатынын, бұл қала тұрғындары ұзақ жылдар бойы күткен маңызды оқиға екенін атап өтті.

«Подсопочное» кен орнына жасалған көшпелі іс-шараның және канализациялық-сорғы жүйесіне жүргізілген қажетті аралаудың қорытындысы бойынша, қаланың инженерлік инфрақұрылымының жұмыс істеуін қамтамасыз ету бағытында оң динамика байқалады. Аталған нысандардың іске асуы қала тұрғындарының өмір сүру сапасын арттыруға бағытталған маңызды қадам болмақ.

Фото

Previous Next