Аудандағы мектептерді материалдық-техникалық қамтамасыз ету жұмыстарының жәйі туралы

Қоғамдық кеңес отырысы өтті.

       Шу ауданының қоғамдық кеңесінің 2025 жылға  арналған жұмыс жоспарына сәйкес үстіміздегі жылдың 08 желтоқсан   күні  кеңес отырысы өтті.

     Отырысқа  аудан әкімі Б.Жәнібеков, мәслихат төрағасы Ж. Әбенов,  кеңес мүшелері, жекелеген мектеп директорлары  және БАҚ өкілдері қатысты. Қоғамдық кеңес отырысын кеңес төрағасы Т.Әрістеев жүргізіп отырды.

        Кеңес отырысының күн тәртібінде 3 мәселе қаралды: «Аудандағы мектептерді материалдық-техникалық қамтамасыз ету жұмыстарының жәйі туралы»,  «Аудан әкімдігінің ауыл шаруашылығы бөлімінің көрсетілетін мемлекеттік қызмет түрлері бойынша 2024-2025  жылдың 10 айында атқарған жұмыстары туралы», Шу ауданының Қоғамдық кеңесінің 2026 жылға арналған жұмыс жоспары туралы.

   Күн тәртібіндегі бірінші мәселе бойынша кеңес төрағасы Т.Әрістеев қоғамдық кеңес мүшелерімен жүргізілген зерделеу қортындысына тоқталып, мектептерді материалдық- техникалық қамту жұмыстарындағы орын алған кемшіліктерді атап өтті.

         Осы мәселе бойынша аудандық білім бөлімінің басшысы Ж.Жазықбаев есеп берді.          

     Есепті қарау және талқылау барысында кеңес төрағасы Т.Әрістеев және кеңес мүшелері Б.Қарғабаев, Ж.Чекаев, Г.Инкарбекова, Қ.Қораласбаев, Б.Қайранов, Р.Шоңбаев сауалдар қойып, оларға тиісті жауаптар қайтарылды және аудан әкімі Б.Жәнібеков және мәслихат төрағасы Ж. Абенов тиімді ұсыныстар айтты.        

         Қаралған мәселе бойынша кеңес отырысы тиісті ұсынымдар қабылдады.

         Күн тәртібіндегі  екінші мәселе бойынша аудан әкімдігінің ауыл шаруашылығы  бөлімінің  басшысы Қ. Құттыбеков  есебін берді.

         Мәселені қарау мен талқылаудың қортындысы бойынша кеңес отырысы ұсынымдар қабылдады.

         Күн тәртібіндегі үшінші мәселе бойынша Шу ауданының Қоғамдық кеңесінің 2026 жылға арналған жұмыс жоспары бекітілді.

         Осымен кеңес отырысы өз жұмысын аяқтады.

Фото

Previous Next