Ұлытау облысы Қоғамдық кеңесінің отырысы өтті.

Күн тәртібінде бір ғана маңызды мәселе қаралды – өңірдің экологиялық жағдайы.

Жиын алдында "Қазақмыс Корпорациясы", сондай-ақ облыстық экология департаменті мен тиісті басқармаларға ресми хат жолданған болатын. Айта кететін жайт, "Қазақмыс" басшылығына шақырту екінші рет жіберілгеніне қарамастан, жиналысқа қойылған сұрақтарға нақты жауап бере алмайтын, шешім қабылдау құзыреті жоқ мамандардың қатысуы Қоғамдық кеңес мүшелерінің наразылығын туғызды.

Олар тек алдын ала дайындалған баяндама оқумен шектеліп, ҚК мүшелері көтерген өзекті сауалдарға нақты түсінік бермеді. Экологиялық ахуалға қатысты өткір мәселелер — ауа сапасы, өндірістік қалдықтар, мониторингтің ашықтығы, кәсіпорын жауапкершілігі жөніндегі сұрақтар жауапсыз қалды.

Қоғамдық кеңес мүшелері жауапты тұлғалардың келмеуін өңір экологиясына салғырт қарау деп бағалап, келесі отырысқа компания басшылығының міндетті түрде қатысуын қамтамасыз етуді талап етті. Сонымен қатар, нақты шаралар жоспарын әзірлеу, ашық есеп беру тетігін енгізу және экологиялық бақылауды күшейту туралы ұсыныстар айтып, жиынды қайта өткізуге шешім қабылдады.

Фото

Previous Next