Қазкеңес жаңалықтары

Келес аудандық Қоғамдық кеңесінің кезекті көшпелі отырысы өтті

Келес аудандық Қоғамдық кеңестің көшпелі отырысы өтті.

 

Келес аудандық Қоғамдық кеңестің жоспарға сәйкес көшпелі отырысы Абай ауылы әкімдігі ғимаратында өтті. Отырысқа ҚК мүшелері, жергілікті атқарушы органдардың басшылары және қызметкерлері қатысты.

Жиында келесі мәселелер қаралды:

  1. «Қазақтелеком» АҚ Келес аудандық желі техникалық цехының 2025 жылдың 9 айында атқарған жұмыстары туралы есебі тыңдалды.
  2. Абай ауылы әкімі 2025 жылы атқарылған жұмыстар жөнінде есеп берді.
  3. Ұшқын ауылдық округі әкімінің 2024 жылы және 2025 жылдың                       9 айындағы жұмыстары бойынша есебі қаралды.
  4. Қоғамдық кеңестің 2026 жылға арналған жұмыс жоспары талқыланды.

Талқылау қорытындысы бойынша келесі ұсыныстар берілді:

  • Интернет желісінің сапасын жақсарту және байланыс мәселелерін шешу бойынша «Қазақтелеком» АҚ-ына нақты шаралар қарау ұсынылды.
  • Абай және Ұшқын ауылдық округтерінде инфрақұрылым, абаттандыру, жол жөндеу және тұрғындар көтерген әлеуметтік мәселелерді кезең-кезеңімен шешу бойынша тиісті мекемелерге ұсыныстар жолдау туралы шешім қабылданды.
  • Қоғамдық кеңестің 2026 жылға арналған жұмыс жоспары мақұлданды.

Қоғамдық кеңес тұрғындармен кері байланысты күшейту және мемлекеттік органдар қызметінің ашықтығын қамтамасыз ету бағытында жұмысын жалғастыра береді.

 

Фото