Ағымдағы жылдың 11 желтоқсан күні кеңес төрағасы Жүсіпов Бекмұрат Қыдырбайұлының төрағалығымен Маңғыстау облысы Қоғамдық кеңесінің отырысы өтті.

Күн тәртібінде Маңғыстау облысының құрылыс, сәулет және қала құрылысы басқармасының «Облыстағы құрылыс саласының мәселелері» және Ақтау қаласы әкімдігінің «Ақтау қаласының дамуы және қаланың сәулеттік келбеті» жөніндегі есептері тыңдалды және өңір үшін маңызды мәселелер қаралды.
Облыстық құрылыс, сәулет және қала құрылысы басқармасы 2025 жылы 29 әлеуметтік нысан құрылыстарын жүргізді. Оның ішінде 13 нысан (12 білім беру, 1 денсаулық сақтау) пайдалануға берілді. «Жайлы мектеп» жобасы аясында 6900 орындық 8 мектеп ашылды.
Жыл соңында білім беру және төтенше жағдайлар салалары бойынша жаңа нысандардың құрылысы басталды. 2026 жылға арналған жоспарға өрт сөндіру деполары, полиция бөлімінің жаңа ғимараты және арнайы қабылдау орнының құрылысы енгізілді.
Қазіргі уақытта 24 нысанның жобалық-сметалық құжаттамалары әзірленуде, 5 жоба сараптамалық оң қорытынды алды.
Ақтау қаласының дамуы бойынша 2025 жылы Ақтау қаласының жаңартылған Бас жоспары бекітілді. Онда әкімшілік, әлеуметтік, туристік және тұрғын үй аймақтарын дамыту, рекреациялық аумақтарды кеңейту қарастырылған. Резиденция аумағы бойынша жаңа егжей-тегжейлі жоспарлау жобасы әзірленуде.
Қала аумағындағы құрылыс жұмыстары тұрақты түрде мониторингтен өтеді. Бүгінде 119 тұрғын үй кешенінің құрылысы жүріп жатыр. Заң талаптарына сәйкес келмеген 33 нысан бойынша сот шешімдері бар.
Үлескерлік құрылысқа ресми рұқсат алған 3 жоба жұмыс жүргізуде: Manhattan, Avenue Park, Blue Waters.

Маңғыстау облысы Қоғамдық кеңес мүшелерінің тарапынан басқарма есептері жан-жақты кеңінен талқыланып, қаперге алынды және осы салалардың жетілуіне бағытталған ұсыныс-пікірлер ортаға салынды.
Сондай-ақ өңірдің тұрақты дамуы үшін ашықтық, қоғамдық бақылау және тиімді өзара іс-қимылдың маңызын ерекше атап өтті.

Фото

Previous Next