Қазкеңес жаңалықтары
KazKENES жаңалықтарыТҮРКІСТАН ОБЛЫСЫ ТӨЛЕБИ АУДАНДЫҚ ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ
Төлеби аудандық Қоғамдық кеңесінің кезекті отырысын кеңес төрағасы Сейтхан Ахтаев ашып, жүргізіп отырды. Жиынға тиісті бөлім, мектеп басшылары қатысты. Күн тәртібінде 2 мәселе қаралды.
1. «Төлеби ауданы білім беру мекемелеріндегі бастауыш сынып оқушыларын ыстық тамақпен қамтамасыз ететін кәсіпкерлердің атқарып жатқан жұмыстарының барысы мен сапасы туралы»
2. «Төлеби ауданындағы ұлтаралық ынтымақ пен бірлікті нығайтуда этно-мәдени дін орталықтары, ақсақалдар кеңесі, ауыл билері, жастар және үкіметтік емес ұйымдардың мүшелері бірлесіп атқарып жатқан жұмыстардың барысы туралы»
Бірінші мәселе бойынша – Төлеби аудандық білім бөлімінің басшысы Шұға Нұрабаева мен бөлімнің әдіскері Қарлығаш баяндама жасады. Аудандық білім бөліміне қарасты 67 білім беру мекемелеріндегі 1-4 сынып оқушылары Қазақстан Республикасы Үкіметінің 2008 жылғы №64 қаулысына сәйкес бір рет ыстық тамақпен қамтылып жатқандығы, сондай-ақ мемлекеттік-жекеменшік әріптестік (ГЧП) жобасымен қызмет көрсетіп жатқан кәсіпкерлердің жұмыстары да жан-жақты қаралды. Асханасы жоқ мектептерге тасымалдау әдісімен ыстық тамақтар дұрыс жеткізіліп, талапқа сәйкес қамтамасыз етілуі бақылауда болатындығын атап өтті.
Екінші мәселе бойынша – Төлеби аудандық ішкі саясат бөлім басшысы Қанат Калибеков баяндама жасады. Аудандық ішкі саясат бөлімі ҚР Конституциясы, «Масс медиа туралы»,«Діни қызмет және діни бірлестіктер туралы»,«Коммерциялық емес ұйымдардың қызметі туралы»,«Мемлекеттік жастар саясаты туралы»,«Қазақстан Республикасының мемлекеттік рәміздері туралы» т. б. заңдарына сәйкес әлеуметтік-саяси тұрақтылықты сақтау, мемлекеттік саясатты түсіндіру, азаматтық қоғам институттарымен өзара іс-қимылды дамыту және ақпараттық кеңістікті нығайту, жастар саясаты, дін саласы бағытында атқарылып жатқан жұмыстарды кеңінен айтып жеткізді.
Жиын қорытындысымен қаралған әрбір мәселе талқыланып, ұсынымдар беріліп шешімдер қабылданды.
Фото
