Қазкеңес жаңалықтары
KazKENES жаңалықтарыҚоғамдық кеңестің кезекті отырысы өткізілді.
17 желтоқсан 2025 жылы Зайсан аудандық қоғамдық кеңесінің кезекті отырысы болып өтті. Күн тәртібіндегі бірінші мәселе «Зайсан ауданының 2026-2028 жылдарға арналған бюджеті туралы Зайсан аудандық мәслихатының шешім жобасы туралы» мәселе бойынша аудандық экономика және қаржы бөлімінің басшысы Ғ.Кожекенова баяндап өтті. Бөлім басшысы дүние жүзіндегі болып жатқан саяси,экономикалық, қаржы дағдарыстарының біздің елмізге де теріс ықпалын тигізіп отырғанын, 2026 жылдарға арналған аудандық бюджетте облыстық бюджеттен ауданға мүлдемге субвенция бөлінбей отырғанын, сондай ақ басқа да әртүрлі трансферттер көлемінің мүлдемге аз екенін, бюджеттің кірісінің тоқсан пайызға жуығы ауданның өз кірісіне жоспарланып отырғанын , бюджеттің шығыс жағы тек еңбек ақы, әлеуметтік салаларды ұстау, әлеуметтік көмектер беру сияқты әлеуметтік басым бағыттарды қаржыландыруға бағытталып отырғанын, алда салық түсімдерін молайту жөнінде үлкен жұмыстар атқару қажеттігін айтты. Дегенмен алдағы уақытта бюджетті нақтылаулар кездерінде қосымша трансферттер берілуі мүмкіндігін жоққа шығармады. Аудандық қоғамдық кеңес мүшелері де 2026-2028 жылдарға арналған аудан бюджетінің жобасын мақұлдай отырып, қаржылық дағдарыстарға қарамастан соңғы екі жылда ауданға қаражат әкелу жөніндегіаудан басшылығының жақсы жұмыстарын атап өтіп, алдағы жылы да осы бағытта жұмыстар жалғасатына, жоспарланған әлеуметтік нысандар мүмкіндігінше салынатына сенім білдірді. Сондай ақ қоғамдық кеңес отырысында «Зайсан ауданының әлеуметтік экономикалық дамуының 2026-2030 жылдарға арналған бес жылдық даму бағдарламасы» талқыланып, мақұлданды.
Зайсан ауданындағы ауылдық елді мекендерде жұмыс істеу және тұру үшін келген денсаулық сақтау, білім беру, әлеуметтік қамсыздандыру , мәдениет, спорт және агроөнеркәсіп кешен саласы мамандарына, ауылдық округтік әкімдер аппаратының мемлекеттік қызметшілеріне 2026 жылы көтерме жәрдемақы және тұрғын үй сатып алуға немесе салуға бюджеттік кредит түрінде әлеуметтік қолдау шаралары туралы аудандық мәслихаттың шешім жобасын қоғамдық кеңес мүшелері мақұлдады.
Сондай ақ отырыста мансап орталығы аудандық филиалының ауданда жұмыссыздықты азайтудағы атқарып жатқан жұмыстары туралы аудандық мәнсап орталығы филиалының басшысы А.Алибековтың хабарламасы тыңдалды. Ауданда халықты жұмыспен қамтуда біршама жұмыстар атқарылғанын қоғамдық кеңес мүшелері атап өтіп, дегенмен ауданда жұмыс орындарын ашуда көптеген резервтер бар екенін айтып, Син-Син компаниясынан босаған жұмысшыларды жұмысқа орналастыру жөнінде қажетті іс шаралар жоспарын жасап, нақтылы іске асыруды ұсынды. Сонымен бірге ауданға көшіп келген қоныс аударушыларды Зайсан қаласына емес, тұрғындары көшіп кетіп жатқан ауылдарға орналастыруға жұмыс жасауұсынылды.
Отырыста Зайсан ауданы бойынша конкурсқа ұсынылатын ауылшаруашылығы мақсатындағы тоғыз жер учаскелері мәселесі қаралып, жаңа аэропарт құрылысына байланысты бір учаскені конкурсқа шығаруды кейінге қалдыру ұсынылды.
«Аудандағы азық түлік бағасын тұрақтандыруға байланысты атқарылып жатқан жұмыстар туралы»- аудандық ауылшаруашылығы және кәсіпкерлік бөлімінің басшысының міндетін атқарушы Л.Чакантаеваның хабарламасы тыңдалды. Аудандық қоғамдық кеңес мүшелері осы мәселе бойынша сауда орындарына алдын ала мониторинг бақылау жасағандарын, әлеуметтік маңызы бар азық түлік тауарларын саудалауда тиісті тәртіптердің негізінен сақталып отырғандығын, дегенмен әліде осы бағытта кәсіпкерлік және ауылшаруашылығы бөлімі тарапынан көп жұмыстар атқаруды қажет ететіндігін атап өтті. Әсіресе кәсіпкерлермен түсінік жұмыстарын жақсарту, қазіргі уақыттағы дүние жүзілік саяси экономикалық, қаржы дағдарысы болып, инфляция деңгейі өсіп тұрғанда, бизнестің әлеуметтік жауапкершілігі негізінде Үкімет бекіткен он тоғыз түрлі әлеуметтік маңызы бар азық түлік тауарлар бағасын белгілі шектен қымбаттатпау жөнінде жұмысты тоқтаусыз жүргізу бөлім басшысына тапсырылды. «Мемлекет әрқашан кәсіпкерлікті қолдап, қорғап келді. Енді қазіргі мемлекеттің қиын жағдайында кәсіпкерлер де мемлекетке өз көмектерін жасауы тиіс деп қоғамдық кеңес төрағасы М.Уәли мәселені талқылауды қортындылады.
Отырыста Зайсан аудандық қоғамдық кеңесінің бір жылғы жұмысы туралы кеңес төрағасы М.Уәлидің есепті баяндамасы тыңдалып, талқыланып ақпараттық құралдардарда жариялау бірауыздан мақұлданды. 2026 жылға арналған Қоғамдық кеңестің жұмыс жоспарына ұсыныстар жасалып, бекітілді.
Аудандық Қоғамдық кеңестің ақпараттық орталығы.
Фото
