Қоғамдық кеңес мүшелері Сәтбаев қаласының бюджет жобасын қарады

19 желтоқсанда Қ. Смайловтың төрағалығымен өткен қалалық қоғамдық кеңестің отырысында 2026–2028 жылдарға арналған Сәтбаев қаласының бюджет жобасы талқыланды. Жиынға қала әкімінің орынбасарлары мен жауапты бөлім басшылары қатысты.

2026 жылға арналған бюджеттің негізгі көрсеткіштерімен «Сәтбаев қаласының экономика және қаржы бөлімі» ММ басшысы С. Симанов таныстырды. Жобада әлеуметтік және коммуналдық салаларды дамытуға, қаланы абаттандыруға, тұрғын үйлерді жөндеуге, балалар ойын алаңдарын орнатуға, сондай-ақ 22 автомобиль жолын орташа жөндеуден өткізу мен дене шынықтыру-сауықтыру кешенінің құрылысын жүзеге асыруға басымдық берілген.

Қоғамдық кеңес мүшелері тарапынан ұсыныстар айтылып, ескертулерді ескере отырып, бюджет жобасы мақұлданды.

Фото

Previous Next