Көптен күткен кілттер

Егіндікөлде айтулы және шын мәнінде қуанышты оқиға - көп балалы және әлеуметтік қорғалмаған отбасыларға жаңа пәтерлердің кілттерін салтанатты тапсыру рәсімі өтті. Ауданның көптеген тұрғындары үшін бұл күн өмірдің жаңа кезеңінің бастауы болды.
Егіндікөл ауданының әкімі Юрий Курушин пәтер кілттерін табыстады. Іс-шараға қатысушыларға арнаған сөзінде ол азаматтарды лайықты тұрғын үймен қамтамасыз ету мемлекеттік саясаттың басым бағыттарының бірі болып табылатынын атап өтті.
- Мемлекет басшысының тапсырмасына сәйкес, біз ең алдымен көп балалы және әлеуметтік қорғалмаған отбасыларды, сондай-ақ мүмкіндігі шектеулі адамдарды тұрғын үймен қамтамасыз етуге назар аударамыз, - деп атап өтті аудан басшысы.
Биыл аудан орталығында 32 жаңа пәтер пайдалануға берілді. Дәл осыншама отбасы жақын арада қоныс тойын тойлап, өз үйін тауып, болашаққа сеніммен 
қарай алады.

Фото

Previous Next