Келес аудандық Қоғамдық кеңесінің тұрақты комиссия отырысында ауыл шаруашылығы мақсатындағы жерлерді елді мекенге қосу, елді мекендердің шекараларын өзгерту және белгілеу мәселесі қаралды

Келес аудандық Қоғамдық кеңесінің тұрақты комиссиясының кезекті отырысында аудан аумағындағы ауыл шаруашылығы мақсатындағы жерлерді елді мекендер құрамына қосу, сондай-ақ елді мекендердің әкімшілік шекараларын өзгерту және белгілеу мәселесі қаралды.

Отырыс барысында Ақтөбе ауылдық округіне қарасты Ескіқорған және Жуантөбе елді мекендерінің, Біртілек ауылдық округіндегі Жолбасшы мен Оразата елді мекендерінің, Жамбыл ауылдық округінің Қалғансары елді мекенінің, сондай-ақ Қошқарата ауылдық округіне қарасты Аманжар, Байтерек, Бесқұбыр және Жамбыл елді мекендерінің шекараларын нақтылау жөніндегі ұсыныстар талқыланды.

Комиссия мүшелері ұсынылған материалдарды жан-жақты зерделей отырып, ауыл шаруашылығы мақсатындағы жерлерді елді мекендер құрамына қосу арқылы шекараларды өзгерту және белгілеу жөніндегі ұсыныстарды қолдап, мақұлдау туралы шешім қабылдады.

Қабылданған шешімдер тиісті уәкілетті мемлекеттік органдарға жолданып, қолданыстағы заңнама талаптарына сәйкес рәсімделетін болады.

Фото

Previous Next