Қазкеңес жаңалықтары
KazKENES жаңалықтарыИНДЕР АУДАНДЫҚ ҚОҒАМДЫҚ КЕҢЕСІНІҢ КЕЗЕКТІ ОТЫРЫСЫ
ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ
2025 жылғы 29 желтоқсанда Индер ауданында Қоғамдық кеңес төрағасы Ж.Дауталиевтің төрағалығымен кеңестің кезекті отырысы өтті.
Отырысқа аудандық мәслихат төрағасы А. Рамазанов, Қоғамдық кеңес мүшелері, сала ардагерлері және жауапты сала өкілдері қатысты.
Күн тәртібіндегі негізгі мәселе:
«Аралтұз» акционерлік қоғамының Индер ауданындағы «Индер көлі» кен орнының бір бөлігінде ас тұзына арналған тау-кен жұмыстарын жүргізу жоспары.
Аталған мәселе бойынша келесі тұлғалар хабарлама жасады:
• Амирова Балжан Бақытбекқызы – «Аралтұз» АҚ экологы;
• Самал Думанова – «Аралтұз» АҚ HR маманы;
• Асанов Даулет Асанұлы – жобалаушы-эколог.
«Аралтұз» акционерлік қоғамы Индер ауданындағы «Индер көлі» кен орнының бір бөлігінде ас тұзына арналған тау-кен жұмыстарының жоспары бойынша Атырау облыстық экология департаментінен қорытынды алу мақсатында тиісті өтініш жолдаған.
Осыған байланысты, аталған қызмет түрі бойынша Индер аудандық кәсіпкерлік, өнеркәсіп және туризм бөлімі Қоғамдық кеңесте мәселені талқылау туралы ресми хат жолдап, нәтижесінде мәселе Қоғамдық кеңес отырысының күн тәртібіне енгізілді.
Талқылау барысында Қоғамдық кеңес мүшелері тарапынан бірқатар сұрақтар қойылып, ұсыныстар айтылды. Кеңес мүшелері экологиялық қауіпсіздік, қоғамдық мүдде мен ашықтық қағидаттарының сақталуына ерекше назар аудару қажеттігін атап өтті.
Сонымен қатар, «Аралтұз» АҚ өкілдері Қазақстан Республикасының Экология кодексінің 69, 70 және 73-баптарына сәйкес тиісті экологиялық қорытынды алынған жағдайда, қоғамдық тыңдаулар өткізілетінін мәлімдеді.
Фото
