Облыстық қоғамдық кеңестің жұмысы туралы

Қазіргі таңда жұмыс істеп тұрған облыстық қоғамдық кеңес 2024 жылдың соңында қалыптастырылды. Кеңес құрамында 33 адам бар, олардың барлығы – азаматтық қоғамның нақты өкілдері: саяси партиялар, үкіметтік емес ұйымдар, жеке кәсіпкерлік өкілдері және қоғам қайраткерлері. Облыстық қоғамдық кеңестің жұмысы заңнама деңгейінде айқындалған өкілеттіктерге, сондай-ақ жылға бекітілген жоспарға сәйкес жүргізіледі. Қоғамды алаңдататын өзекті мәселелер бойынша қоғамдық кеңес пен оның Президиумының 10 отырысы өткізілді. Қоғамдық кеңес құрамында экономика салалары бойынша қоғамдық маңызы бар мәселелерді зерделейтін 6 тұрақты комиссия жұмыс істейді. Өткізілген отырыстардың қорытындысы бойынша 118 ұсыным қабылданды. Бүгінгі күні 94 ұсынымның орындалуы бойынша есептер бар, ал 24 ұсыным бойынша орындау мерзімі әлі келмеген. Құрылыс барысына, әлеуметтік-мәдени нысандар мен жолдардың күрделі жөндеуіне, «Қаздар қонысы» табиғи ескерткішінің жай-күйіне, жасыл желектердің жағдайына, қалдықтарды заңсыз орналастыруға, Жұмысшы мамандықтар жылы аясында кадр даярлауға, жаяу жүргіншілер өткелдері мен трамвай өткелдерінің жарықтандырылуына және басқа да бағыттар бойынша 40-тан астам мониторинг жүргізілді. Май ауданындағы өрттен зардап шеккен тұрғындарға, отбасылық үлгідегі балалар ауылына, Ұлы Отан соғысының ардагерлеріне, сондай-ақ 3 және одан да көп жетім баланы тәрбиелеп отырған екі патронаттық отбасына қайырымдылық көмек көрсетілді. Жұмыс күндері қоғамдық кеңес мүшелері кеңсе-де кезекшілік атқарып, азаматтардың өтініштері бойынша жеке мәселелерге қабылдау жүргізеді және оларды толғандыратын сұрақтар бойынша кеңес береді. Жаңа жылы қоғамдық кеңес өз жұмысын одан әрі күшейтуді жоспарлап отыр. Баршаңызды келе жатқан 2026 жылмен құттықтай отырып, отбасылық амандық, еліміз – Қазақстанға өсіп-өркендеу тілейміз!

Фото

Previous Next