Қоғамдық мониторинг жүргізілді.

Қазіргі уақытта қоғамда азық түліктен кеиін дәрі дәрмектің бағасы маңызға ие болып отыр. Дәрі дәрмектің бағасын орынсыз өсірмеу жөнінде Үкіметіміз әртүрлі шараларды іске асырып жатыр. Соның бірі дәрі дәрмектердің үш мыңға жуық кейбір түрлерінің бағаларын толайым және бөлшек саудаларда   белгілі бір шекті бағалардан асырмай  саудалау жөнінде ҚР денсаулық сақтау Министрінің  2025 жылғы 18 шілдедегі № 470 бұйрығы шығып қолданысқа енгізілді. Қазіргі уақытта ауданымыздың аптекаларында бұйрыққа енгізілген дәрі дәрмектер осы белгіленген  шекті бағадан асырмай саудалануы тиіс. Осы бағалардың сақталуын бақылау, жалпы аудан халқының дәрі дәрмекпен қамтамасыз ету жағдайын зерделеу үшін аудандық Қоғамдық кеңестің төрағасы М.Уәлидің басшылығымен қоғамдық кеңес мүшелерінен арнайы топ құрылып Зайсан қаласындағы аптекаларда аралап дәрі дәрмектердің бағаларының белгіленген  шекті бағаларға сәйкестігіне   қоғамдық бақылау жүргізіліп, халықты дәрі дәрмекпен қамтамасыз ету жағдайы, сондай ақ осы салада қызмет жасап жатқан кәсіпкерлердің  ұсыныс  тілектері де зерделенді.Қоғамдық мониторинг барысында негізінен дәрі дәрмектердің бөлшек сауда  бағалары  бұйрықта бекітілгеншектерде белгіленгені анықталды.  2025 жылдың 18 шілдесіне дейін әкелінген дәрі дәрмектер бағасы сол бұрынғы өз бағасына сатылуда.Сондай ақ кәсіпкерлер тарапынан кейбір бұйрықта көрсетілген дәрі дәрмектердің  бағалары олар алатын  жерлерде  шекті бағалардан жоғарғы екендігін, қымбатқа алып  арзанға сата алмайтындықтарын жеткізді. Мысалы «Кетерол» дәрісінің  бекітілген шекті бағасы үш жүз теңгенің айналасында болса олар бұл дәріні алты жүз теңгеден төмен алатын жерлері жоқ екендігін айтып, амалсыздан үстіне шамалы баға қосып сатып отырғандарын  тілге тиек етті. Әрине бұл мәселе денсаулық министрлігі тарапынан реттелетін шығар. Кәсіпкер Айгул Қоқанова ханым аудан тұрғындарын дәрі дәрмекпен қамтамасыз ету кейінгі уақытта қиындап кетіп, біраз ауылдарда аптекалардың жабылып жатқанын айтты. Негізгі себеп аптекаларға ерекше санитарлық, техникалық талаптар қойылып, оларды сақтап,  ауылдардарда аптека ұстау пайда емес шығын  ғана әкелетіндігі болып табылады.Әрине дәрі дәрмектер саудалауға қойылатын талаптардың сақталуы дұрыс. Дегенмен ерекше санитарлық талаптарды қажет етпейтін , халық көп тұтынатын қарапайым дәрі дәрмектердің  саудалау үшін олардың  түрлерін белгілеп, мәселені шешуге болатын шығар. Бұл мәселенің шешімін табу үшін аудандық Қоғамдық кеңес  жоғарғы органдарға ауылдарда аптекалардың жұмыс істеуінің халық үшін маңыздылығын жеткізетін болады.

  Дәрі дәрмектердің бағасын бақылау бір ғана қоғамдық мониторингпен шектелмейді,  мүмкіндігінше алдағы уақытта да аудандық Қоғамдық кеңес тарапынан жыл көлемінде  мониторингтер жүргізілетін болады. Ең бастысы бұл қоғамдық бақылауға бүкіл аудан тұрғындары үлес қосуы тиіс. Ол үшін   аптекадан дәрі дәрмек сатып алғаннан кейін әркім  чекті талап етіп, ондағы бағаны интернет арқылы «дәрі кз»мобильді қосымшасына кіріп, бекітілген шекті бағадан аспағанын тексеріп отырса болды.Кемшілік анықталған жағдайда аудандық Қоғамдық кеңеске  болмаса басқа органдарға хабарласуға болады.  Алдағы уақытта жоспардағы «Аудан тұрғындарының кейбір санаттарын тегін дәрімен қамтамасыз ету»  туралы мәселе  аудандық қоғамдық кеңес отырысында қаралған кезде бұл мәселе бойынша қоғамдық пікірлерлер зерделенетін  болады.

Зайсан аудандық Қоғамдық кеңестің ақпараттық орталығы.

Фото

Previous Next