Жамбыл ауданында дәрілік заттардың бағасына қоғамдық бақылау жүргізілді

Жамбыл ауданында дәрілік заттардың бағасына қоғамдық бақылау жүргізілді

Бүгін Жамбыл аудандық Қоғамдық кеңесінің денсаулық сақтау мәселелері жөніндегі комиссия мүшелері Ұзынағаш ауылында дәрілік заттардың бағасына қатысты қоғамдық бақылау жұмыстарын жүргізді.

Мониторингке Жамбыл аудандық Қоғамдық кеңестің төрағасы Б. Алиев, кеңес мүшесі Бейсенбеков, Ұзынағаш ауылдық округінің әкімі Б., аудандық кәсіпкерлік бөлімінің бас маманы М. Ұлан, денсаулық сақтау мәселелері жөніндегі комиссия төрайымы Д. Молдахалықова, сондай-ақ Жамбыл аудандық мәслихат аппаратының бас маманы М. Молдахас қатысты.

Мониторинг барысында дәріханалардағы әлеуметтік маңызы бар дәрілік заттардың бағалары зерделеніп, олардың халық үшін экономикалық қолжетімділігіне талдау жүргізілді. Қоғамдық бақылау нәтижелері бойынша тиісті ұсыныстар әзірленетін болады.

Қоғамдық мониторинг аясында дәрілік заттардың бағаларына салыстырмалы талдау жүргізілді

Қоғамдық бақылау барысында Ұзынағаш ауылындағы бірқатар дәріханаларда әлеуметтік маңызы бар дәрілік заттардың бағалары салыстырмалы түрде зерделенді. Мониторингке келесі дәріханалар қамтылды:
Salem Pharm (Абай к-сі, 51а), Arzan Pharm (Абай к-сі, 51), Биосфера (Қараш батыр к-сі, 101), DARIHANA (Қарасай батыр к-сі, 47).

Салыстырмалы талдау нәтижесінде (ең төмен баға – 100% деп алынды) мынадай көрсеткіштер анықталды:
    •    Цитрамон препараты бойынша ең төмен баға «Биосфера» дәріханасында тіркелді – 112 теңге. Бұл баға Salem Pharm және DARIHANA дәріханаларындағы бағадан 78%-ға, ал Arzan Pharm дәріханасынан 141%-ға төмен.
    •    Антигриппин дәрісі бойынша ең төмен баға Salem Pharm және DARIHANA дәріханаларында анықталды – 5710 теңге. «Биосферада» бұл көрсеткіш 5%-ға, ал «Arzan Pharm»-да 17%-ға жоғары.
    •    Тромбо АСС препараты бойынша ең қолжетімді баға Salem Pharm дәріханасында – 1220 теңге. Қалған дәріханаларда баға 16–23% аралығында жоғары.
    •    Ибувир дәрісі бойынша да ең төмен баға Salem Pharm дәріханасында тіркелді – 2920 теңге. Басқа дәріханаларда баға шамамен 11%-ға қымбат.

Қорытындылай келе, мониторинг нәтижелері Salem Pharm дәріханасының зерттелген дәрілік заттардың басым бөлігі бойынша ең төмен бағаларды ұсынатынын көрсетті. Ал Arzan Pharm және Биосфера дәріханаларында кейбір дәрілердің бағасы 10–20% аралығында жоғары екені анықталды

Фото

Previous Next