Қазіргі таңда Шу ауданында құрылыс жұмыстарын жүргізіп жатқан 5 жобада 540 жергілікті 540 азаматы еңбек етуде.

        Ауыл шаруашылығы саласын дамыту мақсатында, 2025 жылдың қорытындысымен, аудан бойынша ауыл шаруашылығының жалпы өнім көлемі 82 322,3 млн. теңгені құраған. Оның ішінде, өсімдік шаруашылығы – 57 751,5 млн. теңге,мал шаруашылығында – 24 491,1 млн. теңгенің өнімі өндірілген,нақты көлем индексі 128,2 % құраған.

        Ауданның елді мекендері бойынша 2025 жылдың жоспарына енгізілген көше жолдарын  жөндеу бойынша ұзындығы 90,3 шақырымды құрайтын 35 жоба аясында 111 көше мен бұрылыс жөндеу жұмыстары жоспарланған. Бүгінгі күнге 63,8 шқ болатын 82 көшеге жөндеу жұмыстары толық аяқталған.Қалған 23,4 шақырымды құрайтын 29 көшенің жөндеу жұмыстары 2026 жылға өтпелі.

         Аудандағы әлеуметтік нысандарды, елді-мекен тұрғындарын газбен толық қамту мақсатында аудан бойынша жалпы 35 елді мекенің 19 елді мекені толық газдандырылып, қамтылу көрсеткіші 54,28% құрайды. Шу ауданы бойынша тұрмыстық газға қосылған абонет саны – 13 799 оның ішінде әлеуметтік нысандар саны – 17, Кәсіпкерлік нысандар саны-361, Шу қаласы, Төле би а/о көп қабатты тұрғын үйлер саны -64.

        Мәдениет үйі мен клубы жоқ елді мекендерде жаңадан  мәдени ошақтар салу тетіктерін қарастыру бойынша Белбасар ауылында жаңа 100 орындық мәдениет үйінің құрылысы толығымен аяқталып, пайдалануға берілген бұл мақсатқа 225214,6 мың теңге қарастырылған. 3 мәдениет үйінің қас келбеттеріне жөндеу жұмыстары жүргізілген,2 ауылдық клуб апатты жағдайда болса (Ақсу, Далақайнар), 4 клуб ыңғайластырылған ғимаратта орналасқан (Мойынқұм, Ақтөбе, Алға, Жаңа жол).

        Тұрғын үйге кезекте тұрған азаматтарды кезең-кезеңімен баспанамен қамту жұмыстарын жүйелі жүргізу; 2025 жылғы 24 мамырға дейінгі жағдай бойынша ауданда  коммуналдық мемлекеттік тұрғын үй кезек тізіміндегі 1831 азамат «Отбасы банк» АҚ-ға тіркелді. (Жетім балалар – 191, көп балалы отбасылар – 579, халықтың әлеуметтік жағынан осал топтарына жататын азаматтар – 847, мемлекеттік және бюджеттік қызметкерлер – 214.) 2025 жылдың 6 маусымында 39 үй пайдалануға берілді (халықтың әлеуметтік жағынан осал топ - 29,  жетім  балалар 7, ата-ана қамқорынсыз қалған балалар, көп балалы отбасы- 3).

        Аудан аумағында азық-түлік тауарларының қауіпсіздігін қамтамасыз ете отырып, бағаны тұрақтандыру және негізсіз өсуін болдырмауды мақсатында аудан әкімдігінің кәсіпкерлік және өнеркәсіп бөлімі тарапынан, негізгі әлеуметтік маңызы бар азық – түлік тауарларының бағаларын себепсіз көтермеу туралы аптасына екі мәрте түсіндірме жұмыстары жүргізіліп отырылады.

        Үстіміздегі  жылдың II-тоқсанында кеңес отырысында «Денсаулық  сақтаусаласы бойынша халыққа қолжетімді сапалы дәрігерлік көмек көрсету жұмыстарының жәйі» қаралған.

        Күн тәртібіндегі мәселе бойынша Шу аудандық орталық ауруханысының бас дәрігері  Ж.Айтишев,  Шу көпбейінді орталық ауруханасы бас дәрәгерінің міндетін атқарушысы М.Жүсіпбекова, Шу қалалық емханасы бас дәрігерінің міндетін атқарушысы Г.Іңкәрбекова хабарламалар жасаған.

        Хабарламаларды қарау және талқылау барысында қеңес төрағасы Т.Әрістеев және кеңес мүшелері Б.Қарғабаев, Ж.Чекаев,  Қ.Қораласбаев, С.Абдуманапов,  мәслихат төрағасы Ж.Әбенов сауалдар қойып,тиімді ұсыныстар айтқан.    

        Қаралған мәселе бойынша кеңес отырысы тиісті ұсынымдар қабылдаған.Ұсынымдардың бір қатары өз шешімін тапқан, атап айтқанда:

        Шу аудандық орталық ауруханасы  бойынша қан айналымы жүйесінің, қант диабетімен аурушандық, қатерлі  ісіктен  болатын  өлім-жітім  көрсеткіштерін  төмендету жөнінде бірқатар жұмыстар атқарылған.Атап айтқанда, қан айналымы жүйесінің  аурушандық көрсеткіші 100 мың  тұрғынға  шаққанда  2025 жылы  – 1670 / 3045,2  құраған  (2024 жылы  – 1344 / 2419,0).  Қант  диабетімен  аурушаңдық  көрсеткіші 2025  жылы – 180 / 328,2 ( 2024 жылы –181 / 325,8). Қан айналымы жүйесінің  аурушандық  көрсеткіштері   25,9% өскен, себебі скрининг кезіндегі анықтаудың нәтижесінде. Қант  диабетімен  аурушандық  көрсеткіші 0,7%  өскен.

        Қатерлі ісіктерден  болатын өлім-жітім   көрсеткіші  - 27/49,2 құраған ( 2024  жылы  - 18/32,4).  Қатерлі ісіктен  болатын  өлім -жітімде    өскені байқалады, себебі ауру тез дамиды, науқастар емделуге кеш жүгінеді.

 - амбулаторлық- емханалық  медициналық  көмек  көрсету  сапасын  арттыру мақсатында ақпараттық жүйе «Дамумед» бойынша Шу АОА - сы жұмыс атқаруда. Науқастар «Дамумед» мобильдік приложениесі арқылы дәрігер қабылдауына жазыла алады. Сонымен қатар, барлық дәрігерлер Face ID арқылы науқастарды идентификациясын жүзеге асыруда. Барлық қабылдауда отырған дәрігерлерде Face ID- мен жұмыс атқару үшін веб камералар орнатылған.

 -халықтың  сапалы  медициналық  көмекке  қолжетімділігін арттыру мақсатында  

        Шу аудандық орталық аурухана  бойынша жалпы медициналық жабдықпен және медициналық мақсаттағы бұйымдармен  жарақтандырылу 98,27%- ды құрайды, медициналық  ұйымдар  ғимараттарының  тозу үлесі – 19,7%. 2025 жылға   барлығы  28 дана    медициналық  аппараттар 251475904,3 тенгеге сатып алынған.

- медициналық  кадрларды  қайта  даярлау  және  біліктіктерін  арттыру бойынша 2025 жылы  «Дипломмен ауылға»  Мемлекеттік  бағдарламасы  аясында  4  жас  маман  қабылданып, жұмыс жасауда (2 жалпы тәжрибелі дәрігер,1 травматолог дәрігері, 1 педиатр дәрігері).  2025   жылы   барлығы  136 медицина қызметкер   біліктіліктерін арттырған,  жалпы 5 484 520  теңге жұмсалған. 

         - Шу  көпбейінді аудандық   орталық  ауруханасы бойынша    халықтың  сапалы  медициналық  көмекке  қолжетімділігін арттыру мақсатында    аурухана  бойынша жалпы медициналық жабдықпен және медициналық мақсаттағы бұйымдармен  жарақтандырылуы 93,51%- ды құраған.                              

         - Медициналық  кадрларды  қайта  даярлау  және  біліктіктерін  арттыру  бойынша ауруханада барлығы - 231,  оның ішінде   42 дәрігер, 86 орта буын медицина қызметкерлер жұмыс жасайды. Медициналық тапшылық: анестезиолог-реаниматолог және педиатр дәрігерлер. 2025 жылы 38 дәрігер, 56 орта буынды медициналық қызметкерлер білімдерін жетілдіріп, куәлік алған. Ақпараттық жүйе «ДамуМед» бойынша Шу КАОА-сы жұмыс атқаруда. Шу көпбейінді аудандық орталық ауруханасы  – 210 төсек орны, соның ішінде 182 тәулік, 28 күндізгі төсек.

           Шу қалалық емханасы бойынша: - Қан тамыры жүйесі скринингі бойынша жоспар 5000 адам, қаралғаны 5000-100%,қант диабеті скринин гі бойынша жоспар 5000 адам, қаралғаны 5000-100%, анықталған ауру саны 84, бақылауға алып, емделгені 84-100%,глаукома скринингі бойынша жоспар 5000 адам, қаралғаны 5000-100%, анықталған ауру саны 5, бақылауға алып, емделгені 5-100% ,колоректалды рак скринингі бойынша жоспар 2648 адам, қаралғаны 2648-100%, анықталған ауру саны 5, бақылауға алынғаны 5,              сүт безі обыры скринигі бойынша жоспар 2137 әйел, қаралғаны 2137-100%, анықталған ауру саны 576, бақылауға алып, емделгені 576-100%, жатыр мойнағы обыры скринигі бойынша жоспар 1782 әйел, қаралғаны 1782-100%, анықталған ауру саны 109, бақылауға алып, емделгені 109-100%.

        Халықтың сапалы медициналық көмекке қолжетімділігін арттыру мақсатында қалалық емханаға қажетті медициналық  аппараттармен, тиісті құрылғылармен барынша қамтылған. Әр кабинеттерге, емхананың кіре берісіне қыс-жаз жылу мен салқындатқыш қондырғылары орналастырылған. Дәліз, холлдарға емделушілерге отырып демалатын  жаңадан софа, диван және орындықтармен жабдықталған.

        Емхананың медициналық құралдармен жабдықталуы  97,7% құрайды. 2025 жылы барлығы 8 826 207 теңге сомадағы қаражатқа медициналық құралдар алынған.

        Медициналық кадрларды қайта даярлау және біліктіліктерін арттыру  жұмыстарын жүйелі жүргізу мақсатында 2025 жылы  біліктілігін арттыру мақсатында  барлығы 139 мамандар, оның 37 дәрігерлер және 102 орта буындағы медицина қызметкерлері қайта даярлау курстарынан өткен. Сол мақсатта 5 152 909 теңге сомадағы қаражат жұмсалған.

        Шу ауданының қоғамдық кеңесінің 2025 жылдың III-тоқсанына арналған жұмыс жоспарына сәйкес «Аудан аумағында басымды бағыттар бойынша құрылыс жұмыстарының жүргізілу жәйі» қаралған.

        Осы мәселе бойынша аудан әкімдігінің сәулет, қала құрылысы және құрылыс бөлімінің  басшысы С.Оңланбековтің, аудан әкімдігінің  тұрғын үй-коммуналдық шаруашылығы, жолаушылар көлігі және автомомбиль жолдары бөлімінің басшысы Ж.Каликовтің есептері тыңдалды.

        Есептерді  қарау және талқылау барысында  кеңес төрағасы Т.Әрістеев және кеңес мүшелері Г.Инкарбекова, Ж.Чекаев, С.Абдуманапов, Е.Қартайған, Р.Шоңбаев сауалдар қойып, оларға тиісті жауаптар қайтарылған.

        Қаралған мәселе бойынша кеңес отырысы тиісті ұсынымдар қабылданған.             Ұсынымдардың бір қатары өз шешімін тапқан, атап айтқанда: Д.Қонаев ауылындағы «Беккари» шұңқыры нысанына баратын жолға ауылдық округі әкімі тарапынан қиыршықтас төселіп, алдындағы қазылған шұңқыр орны көміліп, тегістелген.

        Жаңа жол ауылында спорт кешенінің құрылысы бойынша "КОМПАНИЯ СЫРЫМ БЛЕКЕ" ЖШС жеңімпаз болып анықталған, Келісім-шарт құны – 401 721,4 мың теңге. Құрылыс-монтаж жұмыстары 2025 жылдың мамыр айында басталған, 2025 жылға қарастырылған 290 835,0 мың теңге қаражат толығымен игерілген. 2026 жылға қалған қаражат 110 886,0 мың теңге. Дегенмен, мердігер өз есебінен құрылыс-монтаж жұмыстарын аяқтады.Қазіргі таңда, нысанның пайдалануға қабылдап-өткізу актілері және теңгерімге беру құжаттары рәсімделуде.     

        Бельбасар ауылындағы жаңадан пайдалануға берілген жаңа мәдениет үйінің айналасына абаттандыру және көгалдандыру жұмыстары мердігер тарапынан жүргізілді.

        Шу қаласы «Жетісу» ықшам ауданындағы 80 пәтерлік №1 тұрғын үй құрылысы нысаны бойынша 2025 жылдың 22 қыркүйегінде облыстық ауданаралық экономикалық сотына талап арыз жолданған.

        Ал, «SHEBERBUILD» ЖШС жасалған келісім-шарт 2025 жылдың 31 желтоқсанында аяқталуына байланысты бір жақты негізде бұзылады.

        Шу қаласындағы «Горгаз», «Жанкулиев», «Жайсан» мөлтек аудандарындағы ауыз су құбырларының құрылыс жұмыстары 2025 жылдың  желтоқсан айында аяқталып, халық игілігіне пайдалануға берілген. Ал, Қорағаты ауылдық округінің «Жиенбет» ауылының ауыз су құбырларының  құрылысы 2025 жылдың 31 желтоқсан айында толық аяқталған. Қорағаты ауылдық округінің «Еңбек» ауыз су құбырлары құрылысының абаттандыру мен көгалдандыру жұмыстары 2026 жылдың 01 сәуіріне  толық аяқтау жоспарлануда.

        Алға ауылдық округінің «Сауытбек» ауылындағы ауыз су құбырлары құрылысы жұмыс кестесіне сәйкес жүргізілуде. Дегенмен, құрылыс жұмыстарына түзету (корректировка) енгізілуіне байланысты құрылысты 2026 жылдың 01 сәуіріне толық аяқтау жоспарлануда.

        2025 жылдың IV- тоқсанында кеңес отырысында «Аудандағы мектептерді материалдық-техникалық қамтамасыз ету жұмыстарының жәйі» қаралған.

        Күн тәртібіндегі мәселе бойынша кеңес төрағасы Т.Әрістеев қоғамдық кеңес мүшелерімен жүргізілген зерделеу қортындысына тоқталып, мектептерді материалдық- техникалық қамту жұмыстарындағы орын алған кемшіліктерді атап өткен.

        Осы мәселе бойынша аудандық білім бөлімінің басшысы Ж.Жазықбаев есеп берген.

        Есепті қарау және талқылау барысында кеңес төрағасы Т.Әрістеев және кеңес мүшелері Б.Қарғабаев, Ж.Чекаев, Г.Инкарбекова, Қ.Қораласбаев, Б.Қайранов, Р.Шоңбаев сауалдар қойып, оларға тиісті жауаптар қайтарылды және аудан әкімі Б.Жәнібеков және мәслихат төрағасы Ж. Абенов тиімді ұсыныстар енгізген.

        Қаралған мәселе бойынша кеңес отырысы тиісті ұсынымдар қабылданған. Ұсынымдардың орындалуы тұрақты бақылауға қойылған.

       Жыл ішінде қоғамдық кеңес отырысында аудан әкімдігінің сәулет, қала құрылысы және құрылыс, жұмыспен қамту және әлеуметтік бағдарламалар, жер қатынастары, ауыл шаруашылығы, бөлімдерінің көрсетілетін мемлекеттік қызмет түрлері бойынша атқарылған жұмыстар туралы тиісті мекеме басшыларының есептері қаралып тиісті, ұсынымдар берілген.

        Үстіміздегі жылдың IV тоқсанында  өткізілген кеңес отырысында Шу ауданының Қоғамдық кеңесінің 2026 жылға арналған жұмыс жоспары бекітілген.

         Қоғамдық кеңес жұмысының жариялылығы аудандық «Шу өңірі газеті», аудандық мәслихаттың ресми сайты, әлеуметтік желісіндегі Facebook, Шу аудандық  Қоғамдық кеңесінің парақшасы арқылы жүзеге асырылып отырылады 2025 жылдың 12 айында БАҚ-та және әлеуметтік желілерде 8 материал жарық қөрген. Жалпы 2025 жылы қоғамдық кеңес тарапынан аудан әкімдігі мен мәслихат актілерінің жобаларына 19 ұсыным берілген (әкімдік қаулысы-3, мәслихат шешімі -16).      

        Шу ауданының

        Қоғамдық кеңес төрағасы                                               Т.Әрістеев