Мониторинг

Өскемен қаласықоғамдық кеңесінің мүшелері дәрілік заттарға баға белгілеу бөлігінде заңнама талаптарының сақталуын тексеру мақсатында қала дәріханаларына қайта мониторинг жүргізді.
Қазақстан Республикасының Денсаулық сақтау министрлігі 4 994 дәрілік препаратқа көтерме және бөлшек саудада өткізу үшін шекті бағаларды бекіткенін естеріңізге сала кетеміз.
Мониторинг қорытындысы бойынша қаланың бірқатар дәріханаларында жекелеген дәрілік заттарға шекті сату бағасының асып кету фактілері анықталды. Атап айтқанда, «Адвантан» жақпа майының, сондай-ақ «Декарис» 50 мг, «Дюфастон» препараттарының және басқа да бірқатар дәрілік тауарлардың белгіленген шекті бағасының асып кетуі тіркелді.
Бұдан басқа, мониторинг барысында жекелеген сұранысқа ие дәрілік препараттардың, оның ішінде «Бипрол», «Димедрол», «Аминазин», «Медаксон» жоқ екені анықталды.
Анықталған фактілер бойынша ақпарат қолданыстағы заңнама шеңберінде тиісті шаралар қабылдау үшін жолданатын болады.
Өскемен қаласының қоғамдық кеңесі қала дәріханаларында шекті бағалардың сақталуына және әлеуметтік маңызы бар дәрілік препараттардың болуына қоғамдық бақылауды жүзеге асыру жөніндегі жұмысты жалғастырады.

Фото

Previous Next