Қоғамдық мониторинг

Бүгін 2026 жылғы 23 қаңтарда Денисов ауданының Қоғамдық кеңесінің мүшелері Денисов аудандық мәслихатының депутаттарымен бірлесіп, Денисовка ауылының "Убота" және "ФИТО ФАРМ"дәріханаларында дәрілік заттардың құнына кезекті мониторинг жүргізді. Қазақстан Республикасында дәрілік заттарға баға белгілеу тетігін жетілдіру шеңберінде ҚР Денсаулық сақтау министрлігі халық үшін дәрілік заттардың экономикалық қолжетімділігін арттыруға бағытталған бірқатар жүйелі шаралар қабылдауда.     

Атап айтқанда, дәрілік заттардың 2900 сауда атауының бағасы қайта қаралып, жаңа шекті бағалар бекітілді. Дәрілік заттарға бағаның негізсіз өсуіне жол бермеу мақсатында Үкімет түрлі шараларды іске асыруда.

Осындай шаралардың бірі белгіленген шекті мәндерден аспайтын бағалар бойынша көтерме және бөлшек саудада дәрілік заттардың 2900-ге жуық түрін өткізуді көздейтін Қазақстан Республикасы Денсаулық сақтау министрінің 2025 жылғы 18 шілдедегі №470 бұйрығын қабылдау және қолданысқа енгізу болып табылады. Осы бұйрыққа енгізілген дәрілік заттар қазіргі уақытта біздің ауылдың дәріханаларында белгіленген бағалар шегінде сатылуы тиіс.

Қоғамдық бақылау жұмысы белгіленген кестеге сәйкес жалғасатын болады.

Фото

Previous Next