Қоғамдық кеңестің кезекті отырысы өтті.

2026 жылдың 21 қаңтары күні Зайсан аудандық Қоғамдық кеңестің кезекті отырысы өтті. Қоғамдық кеңестің 15 мүшелерінің 13 мүшелері қатысты.Күн тәртібінің бірінші мәселесінде <Аудандағы шекара белдеуіндегі ауылшаруашылық жерлерді пайдалану туралы>мәселе қаралды.Осы мәселе бойынша отырысқа  шекара белдеуінде ауылшаруашылық жерлері бар шаруа қожалықтарының жетекшілері,аудандық жер бөлімі басшысының міндетін атқарушы Р.Оміртаева,аудандық кәсіпкерлік және ауылшаруашылық бөлім басшысы Қ.Каримов, сонымен қатар Зайсан шекара басқармасының басшысы,полковник  Е.С.Ибраев қоғамдық кеңес шақырылуымен қатысты.Соңғы жылдары қолданыста болған шекара белдеуіндегі ауылшаруашылық жерлері жөнінде аудандағы шаруа қожалықтарының жетекшілері    наразылық тудырып,осы мәселені шешу үшін аудандық кеңестен көмек сұраған болатын.Бүгінгі күні аудан бойынша шекара қызметінің инженерлік құрылыстары мен мемлекеттік шекара аралығындағы(шекаралық белдеу)жер учаскелері 125022 га құрайды.Жыл сайын ауданда шекаралық белдеу ішіне шамамен 30000 бастай жылқы,40000
 бас мөлшерінде ірі-қара малы,10000 басқа таяу қой-ешкі жайылымда болады.Осы аталған жерлер шаруа қожалықтарына жайылымдық жерлер ретінде беріліп,олар иелікке алуға тиісті құжаттарын рәсімдеп алған болатын.Алайда,осы жерлерге ие болған шаруа қожалықтарының құжаттарының мерзімі бітуіне байланысты мерзімін ұзарту,қайта рәсімдей алмауда.Себебі Қазақстан Республикасының Заңдары мен Қаулыларына өзгеріс енгізуді қажет етеді.Аудандағы шаруа қожалықтары жерге иелік ету құжаттарын рәсімдей алмау себебінен Үкіметтен берілетін жеңілдіктерді(субсидия,несие)ала алмауда.Сонымен қатар кеңес отырысында қатысқан шаруа қожалықтарының жетекшілері өз ұсыныс пікірлерін жеткізді.Зайсан шекара басқармасының басшысы,полковник  Е.Ибраев осы мәселе бойынша нақты ұсыныс айтып,әр уақытта шаруа жетекшілеріне өзіне қатысты мәселер бойынша заң шеңберінде көмектесетінін айтып өтті.Бұл отырысқа дейін де тыңдау өткізіліп, жан жақты талқыланған болатын.Аталған мәселе аудан көлемінде шешілмейтін болғандықтан,яғни ҚР Заңдары мен Қаулыларына өзгеріс енгізу арқылы шешілетіне шаруа қожалықтарының көздері жетті.Сондықтан жақында ҚР Парламентінде <Шекара аймақтарындағы аудандарды дамыту жөніндегі> қабылданатын Заңның жұмыс  тобының отырысына қатысып,осы мәселені шешуге қоғамдық кеңестің 2 мүшесін жіберуге және Республикадан осы мәселе шешілгенше дер кезінде рұхсат(пропуск) беруге,ешқандай кедергі келтірмейтін жолдарын іздеуге Зайсан шекара басқармасының басшысынан сұрау жөнінде шешім қабылданды.
Күн тәртібінің екінші мәселесінде «Зайсан ауданындағы мәдениет және спорт нысандарын пайдаланудың  нәтижелері» жөнінде аудандық мәдениет, тілдер дамыту және спорт бөлімінің басшысы Е. Әлібековтың хабарламасы тыңдалды. Ауданда 11 аудандық мәдениет  нысандары және Зайсан қаласында 1 мәдениет үйі, 105 спорт нысандары халыққа қызмет көрсетуде. Сонымен қатар 8 хоккей корты, 55 жаздық спорт құрылғысы, 12 футбол алаңы, 1 ипподром талапқа сай, 1 жабық жүзу бассейін, 1 спорт мектебі, күрес залы, жекпе – жек спорт залы бар. Жақында қосымша Айнабұлақ, Жарсу ауылдарында 2 спорт модулі пайдалануға берілді. Барлық спорт нысандары күн сайын 8.00-ден 22.00-дейін тұғындарға тегін, қолжетімді қызмет атқаруда. Жалпы ауданда 17 000 таяу адам тұрақты спортпен шұғылданады, бұл аудан халқының 50,7%  құрайтыны атап өтілді.
Алайда, аудандық қоғамдық кеңес мүшелері мәдениет және спорт нысандарын пайдаланудың нәтижелерінде елеулі кемшіліктер барын атап өтті. Көптеген мәдениет ошақтары мен спорт нысандары жөндеуді талап етеді. Мысалы, Қаратал ауылындағы спорт кешені жазда өте ыстық, қыста суық. Туалет, душ орнатылмаған. Жалпы айтқанда тозып барады. Мұндай жағдайлар басқада спорт нысандарында да кездесуде. Аудандық қоғамдық кеңес мүшелерін толғандырып жүрген мәселе балалардың жазғы демалысын өткізетін Бәйтерек сауықтыру кешенінің жұмыс істелмеуі. Өткен жылы жазда балаларды қабылдамаған. Ауданымызда қыруар қаржыға салынған осындай ғимараттың жұмыс істемеуі үлкен наразылық тудыруда. Қоғамдық кеңес мүшелері тағы басқа кешендерді айтып, нақты шаралар қабылдап, тиісті қорытынды шығаруды бөлім басшысы Е.Әлібековқа және аудан әкімінің орынбасарына Е.Қорабаевқа ұсынды. Осы мәселе аудандық қоғамдық кеңесте сәуір айында қайта қаралатыны ескертілді.
Күн тәртібінде аудандық тұрғын үй–коммуналдық шаруашылығы, жолаушы көлігі және автомобиль жолдары бөлімінің ұсынған мәселелері, яғни коммуналдық көрсетілетін қызметтерді ұсынудың үлгілік қағидалары, бірыңғай сәулеттік келбет беруге бағытталған, көппәтерлі тұрғын үйлердің сыртқы қабырғаларын, шатырларын реконструкциялық, ағымдағы немесе күрделі жөндеудегі іс – шараларды ұйымдастырудың және жүргізу қағидалары және елді мекендерінде, тұрғын емес үй – жайлар меншік иелерінің күрделі жөндеуге байланысты ақшаны қайтаруды қамтамасыз ету қағидалары толық дайындалмағандықтан қоғамдық кеңес мүшелері бірауыздан мақұлдауға қарсы болып, келесі отырысқа қайта қарау ұсынылды.
       Аудандық Қоғамдық кеңестің ақпараттық орталығы.

Фото

Previous Next