Дәрілік препараттар мен медициналық мақсаттағы бұйымдардың бағаларына қоғамдық бақылау жүргізу туралы

Қазақстан Республикасында дәрілік заттарға баға белгілеу механизмін жетілдіру шеңберінде Қазақстан Республикасының Денсаулық сақтау министрлігімен бірқатар жүйелі шаралар қабылданып, халық үшін дәрілік заттардың экономикалық қолжетімділігін арттыруға бағытталған жұмыс жүргізілуде. Атап айтқанда, дәрілік препараттардың 2 900 саудалық атауының бағалары қайта қаралып, жаңа шекті бағалар бекітілді. Облыстық қоғамдық кеңестің Мониторингтік тобымен облыс орталығында дәрілік препараттар мен медициналық мақсаттағы бұйымдардың бағасына талдау жүргізілді. Өкінішке орай, кейбір препараттарға шекті бағаны негізсіз көтеру фактілері анықталды: Амбро шәрбатының бөлшек саудадағы бағасы 2260 теңгені құрайды, Джардинс 25 мг бөлшек саудадағы құны 23310 теңгені құрайды. Мониторинг нәтижелері бойынша Медициналық және фармацевтикалық бақылау комитетінің Павлодар облысы бойынша департаментіне ақпарат жолданды. Осы бағыттағы жұмыс жалғастырылатын болады

Фото

Previous Next