Сарыағаш аудандық қоғамдық кеңестің жалпы отырысы өтті

Бүгін Сарыағаш аудандық қоғамдық кеңестің жалпы отырысы өтті. Отырысқа Қоғамдық кеңес мүшелері қатысып, күн тәртібіндегі өзекті мәселелер қаралды.

Күн тәртібіне сәйкес:

Ауданның төтенше жағдайлар бөлімінің атқарған жұмыстары туралы есебі;

Сарыағаш темір жол станциясының атқарған жұмыстары туралы есебі;

Аудандық білім бөлімінің атқарған жұмыстары туралы есебі;

Аудандық жастар ресурстық орталығының атқарған жұмыстары туралы есебі қаралуы жоспарланды.

Аудандық білім бөлімінің атқарған жұмыстары туралы есеп аудандық білім бөлімі басшысының отырысқа қатыса алмауына байланысты кейінге қалдырылды.

Сарыағаш темір жол станциясының есебін қарау барысында Қоғамдық кеңес мүшелері тарапынан Сарыағаш қаласының орталық алаңы маңынан өтетін темір жол өткеліне қатысты мәселе көтерілді. Аталған өткелді тұрғындар күнделікті пайдаланатынын ескере отырып, халыққа қолайлы жағдай жасау мақсатында өткелді дұрыстау және жарықшам орнату жөнінде ұсыныстар айтылды.

Өз кезегінде темір жол станциясының өкілі тұрғындардың қауіпсіздігі мен өтуіне қолайлы жағдай жасау үшін жарықшам орнату және өткелді ретке келтіру жұмыстары жүргізілетінін жеткізді. Сонымен қатар аталған аумақта темір жол өткелінің орналасуы қолданыстағы талаптарға толық сәйкес келмейтінін ескертті.

Сонымен қатар отырыста «Жария сервитут белгілеудің кейбір мәселелері туралы» Сарыағаш ауданы әкімдігінің жобасы қаралып, жоба бойынша Қоғамдық кеңес тарапынан тиісті ұсынымдар берілді.

Күн тәртібіндегі мәселелер бойынша баяндамалар тыңдалып, кеңес мүшелері тарапынан пікірлер мен ұсыныстар айтылды. Отырыс қорытындысы бойынша тиісті шешімдер қабылданды.

Фото

Previous Next