ҚР Туризм және спорт министрлігі Қоғамдық кеңесінің кезекті отырысы өтті

Конституциялық реформалар – Әділетті Қазақстанды қалыптастырудың негізі

Елордада Туризм және спорт министрлігі Қоғамдық кеңесінің кезекті отырысы өтті. Жиынға Қоғамдық кеңес мүшелері, салалық сарапшылар және министрлік өкілдері қатысып, ел дамуының жаңа кезеңінде жүзеге асырылып жатқан ауқымды конституциялық реформалардың мәні мен маңызы жан-жақты талқыланды.

Кездесу барысында реформалардың қоғам өміріне, мемлекеттік басқару жүйесіне және азаматтардың құқықтары мен бостандықтарын қамтамасыз етуге тигізетін ықпалына ерекше назар аударылды.

Туризм және спорт министрлігі Қоғамдық кеңесінің төрағасы Елсияр Қанағатов аталған реформалар мемлекетті одан әрі дамытуға, демократиялық институттарды нығайтуға, мемлекеттік басқару жүйесінің тиімділігін арттыруға және азаматтардың құқықтары мен бостандықтарын қорғауды күшейтуге бағытталғанын атап өтті. Оның айтуынша, бұл өзгерістер Әділетті Қазақстанды қалыптастыруға берік құқықтық негіз қалап, қоғамның мемлекеттік институттарға деген сенімін арттыруға қызмет етеді.

Жиын соңында Елсияр Қанағатов реформалардың табысты іске асуы үшін қоғамдағы тұрақтылық, бірлік пен әрбір азаматтың жауапкершілігі айрықша маңызға ие екенін атап өтті. Ол Қоғамдық кеңес мүшелерін жүргізіліп жатқан өзгерістерді қолдап, олардың мәні мен маңызын жұртшылыққа кеңінен түсіндіруге шақырды.

Фото

Previous Next