ҚОҒАМДЫҚ КЕҢЕС ПЕН АРДАГЕРЛЕР КЕҢЕСІ КОНСТИТУЦИЯЛЫҚ РЕФОРМАНЫ ТАЛҚЫЛАДЫ.

Келес ауданында Қоғамдық кеңес пен Ардагерлер кеңесінің бірлескен отырысы өтіп, онда Конституциялық реформа мәселелері кеңінен талқыланды.

Жиналысқа Келес ауданы әкімі аппаратының басшысы м.а. Ибраимов Ерлан Жақсылықұлы, Ардагерлер ұйымының төрағасы мен Қоғамдық кеңестің төрағасы және төралқа мүшелері, Әкелер мектебінің төрағасы мен мүшелері, аудандық медиаторлар кеңесінің төрағасы Орынбасар Егембердиев, Қоғамдық кеңес мүшелері , сондай-ақ Әжелер алқасының төрайымдары қатысты.

Жиынға төрағалық еткен Ардагерлер ұйымының төрағасы Сарсенұлы Шералы мен Қоғамдық кеңес төрағасы Е. Абишев күн тәртібіндегі мәселе бойынша сөзді Ардагерлер ұйымы төралқасының мүшесі Ахмет Мұхамеджановқа ұсынды. Ахмед Мұхамеджанов Конституцияға енгізілген өзгерістер мен толықтырулар жөнінде баяндама жасап, оның ел дамуы үшін маңыздылығына тоқталды.

Жиын барысында аудандық Әкелер мектебінің төрағасы Полатов Тасбау, Әжелер алқасының төрайымы Артық Меруерт, Қоғамдық кеңес мүшесі Данабек Жанбырбаев өз пікірлерін білдіріп, Конституциялық реформаның қоғамдағы маңызын атап өтті.

Кездесу соңында Қоғамдық кеңес пен Ардагерлер ұйымының мүшелері Конституциялық реформаны жан-жақты талқылап, жаңа Конституцияны қолдап, назарға алды.

Фото

Previous Next