Мониторингтік топ рейдтерді апта сайынғы бақылауы

12 ақпан күні мониторингтік топ 3 және 4-шағынаудандар бойынша рейд жүргізді. Тексеруге ТКШ бөлімінің мамандары, қалалық мәслихат депутаты, Қоғамдық кеңес мүшесі және «Ұлытау ЭкоСервис» ЖШС мен «ПМК-2011» ЖШС өкілдері қатысты.
Рейд барысында қоқыс жинау алаңдары тексерілді. Кейбір контейнерлік алаңдарда ірі габаритті қоқыс (жиһаз, матрастар), сондай-ақ жертөле үй-жайларынан шығарылған лас қалдықтар анықталды. Сонымен қатар, ірі габаритті қоқысты шығару жұмыстары бұған дейін бекітілген кестеге сәйкес жүргізілгені белгілі болды.
Сондай-ақ, ірі габаритті қоқысты шығару кестесі көрсетілген хабарландырулардың жоқтығы анықталды. Сауда нысандарының иелеріне өздерінің қоқыс контейнерлерін орнату ұсынылды. Үлгі ретінде тексерушілер «Тойбастар» сауда үйін атап өтті.

❗ Еске саламыз:
Қатты тұрмыстық (коммуналдық) қалдықтар (ҚТҚ) — тұтыну қасиеттерін жоғалтқан бұйымдар мен тауарлар, тұрмыстық қалдықтардың негізгі бөлігін құрайды.

Ірі габаритті қалдықтарды (жиһаз, тұрмыстық техника, сантехника, терезе жақтаулары, есік блоктары және т.б.) кәдімгі қоқыс контейнерлеріне тастауға және контейнерлік алаңдарға қалдыруға болмайды.
Мұндай қалдықтар тұрғындар немесе ПИК/МИБ тапсырыс беретін арнайы техника арқылы мамандандырылған полигондарға шығарылуы тиіс.

⚠ ҚР ӘҚБтК-нің 505-бабына сәйкес:
* бірінші рет бұзушылық жасағаны үшін — 10 АЕК (43 250 теңге) айыппұл;
* бір жыл ішінде қайталанса — 20 АЕК (86 500 теңге) айыппұл қарастырылған.

Мониторингтік топ рейдтерді апта сайын жүргізеді. Тексерулер қала аудандары бойынша кезең-кезеңімен өткізіліп, жыл соңына дейін барлық аудандар қамтылады. Рейд барысында ҚТҚ алаңдары, балалар ойын алаңдары, көше жарықтандыруы және басқа да абаттандыру нысандары тексеріледі.

Фото

Previous Next