«Арнайы білім берудегі инновациялық тәсілдер» бағдарламасы бойынша оқыту

Израиль тарапынын шақыруы бойынша Қазақстанның мамандар тобы «Арнайы білім берудегі инновациялық тәсілдер» бағдарламасы бойынша оқытудан өтті.

Қазақстаннан барған мамандар тобында «Дыбыс77» ЖМ басшысы, Ақтөбе қаласының Қоғамдық кеңесінің мүшесі Марзия Мұхамбетьярова да болды.

Оқыту бағдарламасы арнайы және инклюзивті білім беру саласындағы заманауи инновациялық тәжірибелерді зерттеуге, ерекше білімге мұқтаж балаларды оқыту мен қолдаудың тиімді әдістемелерін енгізуге және білім жүйесінің мамандарының кәсіби құзыреттілігін дамытуға бағытталған.

Бағдарлама барысында қатысушылар Израильдің инклюзивті білім беру саласындағы озық тәжірибесімен танысты, білім беру мекемелері мен арнайы орталықтарға барды, сонымен қатар сарапшылар мен тиісті мемлекеттік органдардың өкілдерімен кездесулер өткізді.

Алынған білім мен практикалық тәжірибе Қазақстанда арнайы және инклюзивті білім беру жүйесін одан әрі дамытуға және жетілдіруге ықпал етеді.

Фото

Previous Next