2026 жылғы 12 ақпанда Маңғыстау облысы Қоғамдық кеңесінің отырысы өтті.

Күн тәртібінде Маңғыстау облысы экономика және бюджеттік жоспарлау басқармасының «2026–2028 жылдарға арналған облыстық бюджет туралы» шешімге өзгерістер енгізу жобасы және «Маңғыстау облысының 2026–2030 жылдарға арналған даму жоспары туралы» шешім жобасы қаралды.

Жаңа Даму жоспары мемлекеттік жоспарлау жүйесінің жаңартылған талаптарына және Бюджет кодексіне сәйкес әзірленген. Құжат өңірлік стандарттар мен ұлттық индикаторларға негізделіп, әлеуметтік, экономикалық және инфрақұрылымдық бағыттарды қамтиды.

2026–2030 жылдарға жоспарланған жалпы қаржы көлемі 5,6 трлн теңгені құрайды. Жоспар аясында білім беру, денсаулық сақтау, жол, сумен жабдықтау, энергетика және экономиканы әртараптандыру бағыттары бойынша бірқатар ірі жобаларды жүзеге асыру көзделген.

Отырыста кеңес мүшелері ұсынылған жобаларды талқылап, тиісті ұсыныстарын білдірді.

Фото

Previous Next