БАЙЗАҚ АУДАНДЫҚ ЕМХАНАСЫНДА КӨРСЕТІЛЕТІН МЕМЛЕКЕТТІК ҚЫЗМЕТТЕР САПАСЫНА ҚОҒАМДЫҚ МОНИТОРИНГ ЖҮРГІЗІЛДІ

Жамбыл облыстық Қоғамдық кеңесінің мониторингтік тобы Байзақ аудандық емханасы, Байзақ аудандық орталық ауруханасында көрсетілетін мемлекеттік қызметтер, “Халық денсаулығы және денсаулық сақтау жүйесі туралы” ҚР Кодексі, “ҚР денсаулық сақтау саласын дамытудың 2026 жылға дейінгі тұжырымдамасы”, “Денсаулық сақтау инфрақұрылымын дамытудың 2024-2030 жылдарға арналған тұжырымдамасы” міндеттері және нысаналы индикаторларының орындалуын зерделеді.

Емхананың мәліметі бойынша медициналық-санитариялық алғашқы көмек мемлекеттік қызметі бойынша 2025 жылы оң нәтиже берілген қызмет саны - 9274., ал бас тартылған қызмет саны -3043.

Дәрігердің қабылдануына жазылу қызметі онлайн, телефон арқылы және емханаға барып жазылу арқылы көрсетіледі.

Дәрігерді үйге шақыру, анықтама беру, еңбекке уақытша жарамсыздық парағын беру,пациенттерге стационарлық емдеуге жатқызуға жолдама беру, жедел медициналық көмек шақырту, азаматтардың жекелеген санаттарына дәрілік заттарды, бейімделген емдік өнімдерді, медициналық бұйымдарды беру, алдын ала міндетті медициналық қарап-тексеру қызметтері жөнінде ұсынылған есептер бойынша мониторингтік топ мүшелері тарапынан аурухана басшылығына сұрақтар қойылып, қосымша ақпарат беру ұсынылды.

Халық денсаулығын сақтау мен нығайту үшін қолжетімді және сапалы медициналық көмек көрсету, мекеменің инфрақұрылымын дамыту мақсатында атқарылған жұмыстардың нәтижелерін баяндаған бас дәрігердің орынбасары Бахтияр Мейірбеков және жауапты мамандар 1976 жылы салынған аудандық аурухананың ғимараты жөндеуді қажет ететінін, 200 төсектік жаңа аурухананың құрылысы қажеттігін, сонымен қатар жедел жәрдем көліктерін жаңарту туралы өтініштерін жеткізді.

Қоғамдық кеңес мүшелері алдағы уақытта аудандар бойынша денсаулық сақтау саласы қызметтеріне қоғамдық мониторинг жүргізуді жалғастырады.

Фото

Previous Next