2026 жылғы облыстық бюджетті нақтылау мақсатында Ұлытау облысы Қоғамдық кеңесі-нің кезектен тыс отырысы өтті.

Отырысты кеңес төрағасы Бауыржан Бегенов жүргізді. Жиынға облыс әкімінің орынбасары Нұртас Карипбаев және бюджеттік бағдарламалар әкімшілері қатысты.

Экономика басқармасының басшысы Нұрлан Абдукалимов баяндама жасап, бюджетті нақтылау бос қалдықтар мен ішкі ауысым есебінен жүргізілетінін айтты. Жалпы бөлінетін қаражат көлемі – 9,1 млрд теңге.

Қаражат әлеуметтік салаға, көлік және коммуникацияға, құрылысқа, цифрлық технологияларға және өзге әкімшілік шығыстарға бағытталады. Сонымен қатар 0,35% мөлшерлемемен облигациялық қарыз есебінен Жезқазған қаласындағы 90 пәтерлі тұрғын үй құрылысына 698 млн теңге қарастырылған.

Нәтижесінде 2026 жылға арналған облыстық бюджет көлемі 175,1 млрд теңгені құрады.

Отырыс барысында спортшыларды дәрумендермен қамтамасыз ету, қант диабетімен ауыратын азаматтарды дәрі-дәрмекпен қамту, медицина мамандарының тапшылығы, инклюзивті білім беру жағдайы, Қарағанды–Жезқазған авиабағыты және қазақ күресін дамыту мәселелері көтерілді.

Фото

Previous Next