Қазкеңес жаңалықтары

Ауданның 2025 жылдың 12 айындағы әлеуметтік-экономикалық дамуының қортындылары және  2026 жылы атқарылатын жұмыстары туралы Кеген ауданының әкімі Н.Теңізбаевтың есебі тыңдалды

19 ақпан 2026 жылы аудандық қоғамдық кеңес отырысы өтті.

      Күн тәртібіндегі бірінші  мәселе  бойынша:

1.Ауданның 2025 жылдың 12 айындағы әлеуметтік-экономикалық дамуының қортындылары және  2026 жылы атқарылатын жұмыстары туралы Кеген ауданының әкімі Н.Теңізбаевтың есебі тыңдалды

   

2.«Қоғамдық кеңестер туралы» Қазақстан Республикасы Заңының 18-бабы  4- тармағының ережелеріне сәйкес аудандық қоғамдық кеңес төрағасы Б.Мейманқұловтың қосымша баяндамасы тыңдалды.

 

     Кеген ауданының әкімі  Теңізбаев Нұрбақыт Молдахметұлының  Ауданның 2025 жылдың 12 айындағы әлеуметтік-экономикалық дамуының қортындылары және 2026 жылы атқарылатын жұмыстары туралы есебін тыңдап, талқылай келе Кеген ауданының  Қоғамдық кеңесі төмендегі ҚАРАРДЫ ҚАБЫЛДАДЫ:

  1. Кеген ауданының әкімі Теңізбаев Нұрбақыт Молдахметұлының ауданның 2025 жылдың 12 айындағы әлеуметтік-экономикалық дамуының қортындылары және 2026 жылы атқарылатын жұмыстары туралы есебі еске алынды.
  2. Аудандық Қоғамдық кеңес отырысында көтерілген мәселелер бойынша шаралар белгілеп, жүзеге асыру аудан әкімі Теңізбаев Нұрбақыт Молдахметұлының назарына ұсынылды.

 

     Күн тәртібіндегі екінші  мәселе  бойынша:

Ауданның  «Ауылшаруашылық бөлімі» мемлекеттік мекемесінің тұрғындарға мемлекеттік көрсетілетін қызметтердің сапасын арттыруда атқарған жұмыстары жайлы бөлім басшысы Ж.Өмірзақовтың есебі тыңдалды

Баяндаманы тыңдап, талқылай келе ауданның  қоғамдық кеңесі    ШЕШІМ ҚАБЫЛДАДЫ:

 

  1. Ауданның  «Ауылшаруашылық бөлімі» мемлекеттік мекемесінің тұрғындарға мемлекеттік көрсетілетін қызметтердің сапасын арттыруда атқарған жұмыстары жайлы бөлім басшысы Өмірзақов Жасұлан Әбдірәсілұлының есебі еске алынды.
  2.  Ауылшаруашылығы техникаларын  «Техникалық байқаудан өткізу» мемлекеттік қызметі бойынша, аудан көлеміндегі  техникаларды толық байқаудан өткізу үшін тұрғындарға алдын ала хабарлап,  ауылдық округ әкімімен ауылдық полиция қызметкерімен бірлесіп жұмыс ұйымдастыру;

      3. Алдағы уақытта мемлекеттік көрсетілетін қызметтерді көрсетуде  кемшіліктерді  болдырмау, көрсетілетін қызметтерді алушыларға мемлекеттік қызмет көрсету тәртібі туралы, оның ішінде «Электронды үкімет» веб-порталы арқылы алу жайлы үнемі түсіндіру жұмыстарын жүргізіп отыру,  баспасөз беттеріне мақалалар жариялап отыру  бөлім басшысы  Өмірзақов Жасұлан Әбдірәсілұлына ұсынылды.

    Күн тәртібіндегі үшінші  мәселе  бойынша:

Кеген аудандық мәслихатының «Кеген ауданында тұрғын үй көмегін көрсетудің мөлшері мен тәртібін айқындау туралы»  2024 жылғы 13 маусымдағы № 21-100 шешіміне өзгерістер енгізу туралы шешімінің жобасы талқыланып, тиісті қорытынды берілді.

Фото