Іле ауданында «MedBaqylau» жүйесіне мониторинг жүргізілді

Іле ауданында «MedBaqylau» жүйесіне мониторинг жүргізілді

2026 жылғы 26 ақпан Алматы облысы Іле ауданында «MedBaqylau» жүйесінің іске асырылу барысына қатысты қоғамдық мониторинг өткізілді. Мониторингтің негізгі мақсаты – тұрғындардың медициналық қызметке уақытылы қолжетімділігін қамтамасыз ету, медициналық ұйымдардың қызмет сапасын бақылау және жүйенің тиімділігін арттыру.

Мониторинг барысында ауданның медициналық мекемелерінде жүйенің іске асырылып жатқаны анықталды. Мекеме басшыларымен кездесулер өткізіліп, жүйенің маңыздылығы мен оны тиімді пайдалану тәртібі жан-жақты түсіндірілді. Сонымен қатар тұрғындардың жүйеге тіркелуін жеңілдету мақсатында QR-кодтары бар парақшалар барлық мекемелерге таратылды.Аудандағы кейбір мекемелерде QR-кодтар толық енгізілмегені анықталды. Бұл мәселені шешу және жүйенің барлық медициналық ұйымдарда толық жұмыс істеуін қамтамасыз ету мақсатында болашақта тиісті шаралар қабылданатын болады. Жоспар бойынша жақын арада осы ұйымдардың қызметтері қайтадан мониторингке алынып, жүйелі түрде тексеріледі.Мониторинг барысында тұрғындардың сұрақтарын қабылдау және кері байланысты жақсарту жұмыстары да жүргізілді. «MedBaqylau» жүйесі арқылы азаматтар медициналық қызметке қатысты өз пікірлері мен ұсыныстарын жолдай алады, бұл медициналық ұйымдардың қызмет сапасын арттыруға және халыққа қолжетімділікті қамтамасыз етуге мүмкіндік береді.

Қорытындылай келе, «MedBaqylau» жобасы – халық пен медициналық ұйымдар арасындағы байланысты нығайтып, медициналық қызмет сапасын жақсартуға бағытталған маңызды құрал болып табылады. Алдағы уақытта Іле ауданында жүйенің іске асырылу барысы тұрақты бақылауға алынып, жүйелі мониторинг жүргізілетін болады.

Фото

Previous Next