Тұрақты комиссияның отырысы

Ақтөбе қалалық мәслихатының индустриялық даму, инфрақұрылым және тұрғын үй-коммуналдық мәселелер жөніндегі тұрақты комиссиясының отырысында көктемгі су тасқынының алдын алу және оған дайындық барысы қаралды. Жиынға депутаттар, Қоғамдық кеңес мүшелері, қала әкімінің орынбасары, аудан әкімдері және жауапты мемлекеттік органдардың өкілдері қатысты.

Отырыста есеп берген екі ауданның әкімі жасалған шаралар бойынша баяндама жасады. Қалада су бұру жүйелері салынып, арықтар тазартылып, бөгеттер нығайтылып, өзен арналары ретке келтірілген.

Қазіргі таңда қар шығару, су ағарларды тазарту, бөгеттерді нығайту және арнайы техникаларды дайындау жұмыстары жүргізілуде. Жауапты органдар көктемгі кезеңде тұрғындардың қауіпсіздігін қамтамасыз ету үшін барлық қажетті шараларды қолға алғанын атап өтті.

Фото

Previous Next