ҚОҒАМДЫҚ КЕҢЕС МҮШЕЛЕРІ АУДАНДЫҚ БІЛІМ БӨЛІМІНЕ МОНИТОРИНГ ЖҮРГІЗДІ.

Келес  аудандық Қоғамдық кеңес мүшелерінен құрылған комиссия  наурыз айында өтетін жоспарлы отырысқа дайындық аясында аудандық білім бөліміне мониторинг жүргізу мақсатында барды.

Жұмыс барысында білім бөлімінің 2025 жылы атқарған жұмыстары, білім беру ұйымдарындағы білім сапасын арттыру бағытында жүргізіліп жатқан шаралар жөніндегі мәліметтер зерделенді. Сонымен қатар алдағы отырыста қаралатын негізгі мәселелер бойынша пікір алмасу жүргізілді.

Атап айтқанда, аудандағы мектеп директорларының бос лауазымдары және оларды тағайындау мәселелері, мектептердің күрделі жөндеуден өтуі, білім беру ұйымдарының жылу жүйесін жаңғырту және газға қосу жұмыстары, сондай-ақ білім сапасын көтеру бағытындағы жұмыстар туралы сұрақтар қойылды.

Комиссия мүшелері көтерілген мәселелер бойынша тиісті ақпарат алып, алдағы отырысқа қажетті ұсыныстар мен мәліметтерді жинақтады.

Фото

Previous Next