АҚТӨБЕ АУЫЛДЫҚ ОКРУГІНДЕ ҚОҒАМДЫҚ КЕҢЕСТІҢ КЕЗЕКТІ КӨШПЕЛІ ОТЫРЫСЫ ӨТТІ.

Келес аудандық Қоғамдық кеңесінің кезекті көшпелі отырысы, Қоғамдық кеңесінің төрағасы Е.Абишевтің төрағалығымен Ақтөбе ауылдық округі мәдениет үйінің мәжіліс залында өтті. 

Отырыс барысында бірқатар сала басшыларының 2025 жылы атқарған жұмыстары бойынша есептері тыңдалды.

Атап айтқанда:

* «Жастар ресурстық орталығы» КММ директоры А. Ташкенбай;

* Ақтөбе ауылдық округінің әкімі Е. Жасұзақов;

* Келес ауданының экономика және қаржы бөлімі басшысы Ә. Муналов өз есептерін ұсынды.

Білім саласы бойынша білім бөлім басшысының орнына, бөлімнің бас маманы Сманов Насыр қатысып, баяндама жасауға дайын болды.

Алайда Қоғамдық кеңес мүшелері бөлім басшысының өзі қатысып, нақты сұрақтарға жауап беруі қажет екенін атап өтті. Нәтижесінде бұл мәселе дауыс беру арқылы келесі отырысқа қалдырылды.

Кеңес мүшелері тарапынан баяндамашыларға бірқатар сұрақтар қойылып, саладағы өзекті мәселелер көтерілді. Жиын қорытындысы бойынша тиісті ұсыныстар айтылып, алдағы жұмыстардың негізгі бағыттары айқындалды.

Фото

Previous Next