Балық саласын дамытудағы ағымдағы проблемаларды шешу туралы

2026 жылғы 30 наурызда Бәкір Демеуовтің төрағалығымен облыстық Қоғамдық кеңес төралқасының отырысы өтті. Балық саласын дамытудағы ағымдағы проблемаларды шешу туралы мәселесі қарастырылды. Қоғамдық кеңес мүшелері облыстың жер қойнауын пайдалану, қоршаған орта және су ресурстары басқармасының жауапты қызметкерлерін тыңдады. Басқарманың ақпараты бойынша соңғы 5 жылда балық өсіру шаруашылықтарының саны 27-ге дейін, яғни 7 есеге өсті, балық өндірісі жылына 98-ден 572 тоннаға дейін өсті, облыстың су айдындарына 180 млн теңгеден астам сомаға тұқы және бекіре түрлерін қоса алғанда 1,4 млн-нан астам балық шығарылды. Облыстық және республикалық бюджеттер есебінен аквамәдениетті мемлекеттік қолдау жүзеге асырылады. 2025 жылы 23 жобаны іске асыруға 101 млн теңге игерілді. 2026 жылға жемшөпті, инвестицияларды, кредиттік ставкаларды субсидиялауды, өнімді қайта өңдеуді және суды тұтыну шығындарын өтеуді қоса алғанда, 450 млн. теңгеден астам қаражат жоспарланған. Қоғамдық кеңес мүшелері балық өсіру шаруашылықтарының басшыларын да тыңдады. Өткізілген отырыстың қорытындысы бойынша облыстың жер қойнауын пайдалану, қоршаған орта және су ресурстары басқармасына 2025 жылғы 20 қарашадағы отырыстың қорытындысы бойынша берілген ұсынымдардың орындалуы туралы хабарлау ұсынылды, сондай-ақ экологияны, қоршаған ортаны және тұрғын үй-коммуналдық шаруашылықты жақсарту мәселелері жөніндегі комиссиясына ұсынымдардың орындалуын бақылау тапсырылды.

Фото

Previous Next