ҚОҒАМДЫҚ БАҚЫЛАУ - ҚОҒАМДЫҚ МҮДДЕЛЕРДІ ҚОРҒАУҒА БАҒЫТТАЛҒАН ҚЫЗМЕТ

Жамбыл облыстық Қоғамдық кеңестің жұмыс жоспары бойынша а.ж. сәуір айында облыс әкімдігінің бірқатар басқармаларының қызметтеріне қоғамдық мониторинг және есептік тыңдау нысандарында жүзеге асырылатын Қоғамдық кеңестің қоғамдық мүдделерді қорғауға бағытталған қызметі - қоғамдық бақылау жүргізіледі.

ҚР “Қоғамдық кеңестер туралы” Заңына сәйкес Қоғамдық кеңес төрағасы Д.Бықыбаев, кеңес мүшесі Р.Байшекеев, кеңес хатшысы Ж.Орынбаева, комитет мүшесі Б.Бекмухамбетова Қоғамдық кеңестің қоғамдық бақылау саласындағы мақсаттары мен міндеттері, басқармаларда қоғамдық бақылау нысандары бойынша атқарылатын іс-шараларды баяндап, басқарма басшылығының назарына жеткізді.

Облыс әкімдігінің дін істері басқармасының басшысы Е.Ақбай, сәулет және қала құрылысы басқармасының басшысы Ә. Аманбай және басқарма мамандарына аталған мемлекеттік органдардың жұмыс нәтижелері туралы есептік тыңдауда талқыланатын сұрақтар түсіндірілді.

Облыс әкімдігінің жолаушылар көлігі және автомобиль жолдары басқармасының басшысы М.Саурықов және басқарманың жауапты мамандарының қатысуымен басқармада мемлекеттік қызметтер көрсету, стратегиялық жоспарлар, даму жоспарының орындалуы, бюджеттік бағдарламаларды іске асыру нәтижесінде азаматтар үшін теріс салдарларды және қоғамдық мүдделерге нұқсан келтіру фактілерін анықтау мақсатында жүзеге асырылатын қоғамдық мониторингті жүргізу тәртібі түсіндіріліп, мониторинг жүргізу кестесі келісілді.

Қоғамдық кеңестің қоғамдық бақылау саласындағы өкілеттіктерін іске асыру тәртібімен таныстырылған 3 басқарма басшылығының мемлекеттік органдар қызметінің ашықтығын, тиімділігін және бүкпесіздігін қамтамасыз ету міндетін Қоғамдық кеңеспен бірлесе жүзеге асыратынына сенімдіміз.

Фото

Previous Next