Белсенді ұзақ өмір сүру орталығында тегін заңгерлік көмек көрсету акциясы өтті

2026 жылғы 3 сәуірде «Белсенді ұзақ өмір сүру орталығында» азаматтарға тегін заңгерлік көмек көрсету акциясы ұйымдастырылды. Аталған іс-шара «Заң және Тәртіп» идеологемасын ілгерілету аясында өткізілді.

Іс-шараның негізгі мақсаты – халықтың құқықтық сауаттылығын арттыру, қоғамның әлеуметтік осал топтарына қолдау көрсету және заңгерлік көмектің қолжетімділігін қамтамасыз ету.

Тегін заңгерлік көмек көрсетуге Ақмола облысы Қоғамдық кеңесінің мүшесі, Ш. Уәлиханов атындағы Көкшетау университетінің Құқық кафедрасының меңгерушісі Рахметулина Б.С., сондай-ақ Плюснин И.Г., Құқық кафедрасының студенттері мен магистранттары, жеке сот орындаушылары, Ақмола облысы Әділет департаментінің мамандары, Ақмола облыстық адвокаттар алқасының адвокаттары мен нотариустар, сондай-ақ кәсіби заңгерлер қатысып, азаматтардың сұрақтарына жауап беріп, құқықтық кеңестер берді.

Іс-шара барысында азаматтар әртүрлі құқықтық мәселелер бойынша білікті заңгерлік көмек алды. Осындай бастамалар қоғам мен мемлекет арасындағы байланысты нығайтуға, сондай-ақ құқықтық мәдениетті қалыптастыруға ықпал етеді.

Фото

Previous Next