ЖЕРГІЛІКТІ МЕМЛЕКЕТТІК ОРГАНДАР ҚЫЗМЕТІНЕ ЖАМБЫЛ ОБЛЫСТЫҚ ҚОҒАМДЫҚ КЕҢЕСІ ҚОҒАМДЫҚ БАҚЫЛАУ ЖҮРГІЗДІ

Облыстық Қоғамдық кеңестің жұмыс жоспарына сәйкес Жуалы ауданы бойынша жергілікті мемлекеттік органдар қызметіне қоғамдық бақылау жүргізілді.

Комиссия төрағалары Р. Рахманбердиев, С. Құрманбекова, А.Төлебаев, кеңес мүшелері С.Сейітбеков, М.Дүйсембаев, М.Паншаев Жуалы ауданы әкімдігінің бөлімдерінде, Жуалы аудандық орталық ауруханасында, Жуалы колледжінде көрсетілетін мемлекеттік қызметтер сапасы, бюджеттік бағдарламалар, стратегиялық жоспарларды іске асыру нәтижесінде азаматтар үшін жағымсыз салдарларды және қоғамдық мүдделерге қысым жасалуын анықтау мақсатында қоғамдық мониторинг жүргізді.

Азаматтарды қабылдау барысында Көлтоған, Боралдай, Күреңбел ауылдарының тұрғындары мектеп, спорт кешенінің құрылысы, жол жөндеу жұмыстары, ауыл шаруашылығы техникасын субсидиялау және басқа да қоғамдық маңызды сұрақтар көтерді.

Аудан әкімі Жалғас Мұртазаның қатысуымен қоғамдық бақылау, азаматтарды қабылдау барысында қойылған көптеген сұрақтар талқыланып, шешу жолдары қарастырылды.

Қоғамдық бақылау қорытындысы бойынша ҚР заңнамасының бұзушылықтарына мониторинг барысында анықталған себептер мен жағдайларды жою жөніндегі ұсынымдар кеңес отырысында қабылданып, тиісті мемлекеттік органдарға жіберілетін болады.

Фото

Previous Next