2026 жылдың 8 сәуір күні Бөрлі аудандық қоғамдық кеңесінің отырысы өтті

Бүгін аудандық қоғамдық кеңес отырысы Б.Макеевтің төрағалығымен өтті. Отырысқа аудан әкімі Е.Ихсанов, мәслихат төрағасы К.Ермекбаев, аудан әкімінің орынбасарлары, бөлім басшылары, қала және ауылдық округ әкімдері мен бұқаралық ақпарат өкілдері қатысты.

          Қоғамдық кеңес мүшелері  Бөрлі ауданының Ақсай қаласы және Ақсу ауылдық округі әкімдерінің  атқарған жұмыстары мен көрсететін мемлекеттік қызметтер туралы  баяндамаларды тыңдап, талқылады.

          Отырыста  аудандық мәслихаттың «Бөрлі ауданы бойынша халық үшін тұрмыстық қатты қалдықтарды жинауға, тасымалдауға, сұрыптауға және көмуге арналған тарифтерді бекіту туралы», «Бөрлі ауданының әлеуметтік көмек көрсетудің, оның мөлшерлерін белгілеудің және мұқатаж азаматтардың жекелеген санаттарының тізбесін айқындаудың қағидаларын бекіту туралы» шешімдеріне өзгерістер енгізу туралы мәселелері қаралып,   мақұлданды.

          Сонымен қатар, Кеңес мүшелері «Бөрлі ауданының Бөрлі, Бумакөл, Приурал, Жарсуат, Пугачево, Ақсу елді мекендерінің жерлерін аймақтарға бөлу жобасын (схемасын), бағалау аймақтарының шекараларын және жер учаскелері үшін төлемақының базалық ставкаларына түзету коэффициенттерін бекіту туралы» аудандық мәслихаттың шешім жобасына келісім берді.

            Баяндамашыларға тұрғын үй, арнаулы әлеуметтік көмек, тұрмыстық қатты қалдықтар тарифтері жөнінде сұрақтар қойылып, жауаптар алды.

         Отырыс барысында қоғамдық кеңес мүшелігіне резерв тізімінен З.Мурзагалиев аудандық қоғамдық кеңес құрамына енгізілді.

Фото

Previous Next