Тараз қалалық Қоғамдық кеңес жергілікті бюджетке енгізілер өзгерістерді талқылады

Онда - Орталық базар маңындағы 16 мөлтек ауданда биыл салынғалы жатқан 30 көпқабатты тұрғын үйлер мен олардың нүктелі инфрақұрылымдық жүйелері құрылысына, сондай-ақ айналаларының абаттандырылуына облыстық бюджеттен кезекті 8,3 млрд теңгенің бөлінгені мәлім болды.

Кеңес құрамы құжат жобасын қарауға ұсынған қала әкімдігінің экономика және бюджеттік жоспарлау, құрылыс бөлімдерінің басшылығына негізгі міндеттер - қаражаттың мақсатты жұмсалуы мен үйлердің сапалы соғылуы екендігін ескертті.

Сонымен қатар, мемлекеттік бағдарлама аясында пайдалануға берілген пәтерлердің 100-ден астамының әлі күнге иелерінің анықталмауына байланысты, оларды мұқтаж азаматтарға беру жолдарын жеңілдетудің өзекті болып отырғандығын да баса айтты.

Фото

Previous Next