Қазкеңес жаңалықтары

Қоғамдық кеңес отырысы

Қоғамдық кеңес отырысы өтті
Ағымдағы жылдың 8 сәуір күні Г.Тұрғаналиевтың төрағалығымен Қоғамдық кеңес отырысы өтті. Кеңес отырысына кеңес мүшелері, аудан әкімі Т.Шакиров, Тасқала аудандық жер қатынастары бөлімінің басшысы А.Губашева, аудандық жұмыспен қамту және әлеуметтік бағдарламалар бөлімі басшысының м.а А.Абулхаирова және аудан бойынша үкіметтік емес ұйым мүшелері қатысты.
Күн тәртібіндегі бірінші мәселе бойынша аудан әкімі Т.Шакировтың 2025 жылғы ауданымыздың әлеуметтік-экономикалық жағдайын дамыту мақсатында атқарылған жұмыстар туралы және алдағы жоспарлары туралы есебі тыңдалып, қаперге алынып, оң баға берілді.
Келесі мәселелер бойынша аудандық мәслихат төрағасы Ж.Бисенғалиева және аудандық қоғамдық кеңес төрағасы Г.Турганалиевтың 2025 жылғы атқарылған жұмыстары туралы есептері қаперге алыңды.
4-ші мәселе бойынша Тасқала ауданының жер қатынастары бөлімінің мемлекеттік көрсетілетін қызметтері туралы, оның сапасын арттыру бойынша және сыбайлас жемқорлыққа қарсы іс-қимыл бағытындағы есебі ұсынылды. Қоғамдық кеңес мүшелері аталған мәселені талқыға салып, ұсыныс пікірлерімен бөлісіп, сыбайлас жемқорлыққа жол берілмей, түсіндіру жұмыстары үнемі жүргізіліп отырылуын қамтамасыз ету туралы айтып өтті.
Сондай-ақ, мемлекеттік көрсетілетін қызметтердің уақытылы көрсетілуін бақылауға алынуын және сапалы көрсетілуін қамтамасыз ету туралы ұсыныстар жеткізді.
Соңғы мәселе бойынша, аудандық жұмыспен қамту және әлеуметтік бағдарламалар бөлімі басшысының м.а А.Абулхаирова «Тасқала ауданының әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы» 2023 жылғы 31 қазандағы №12-1 шешіміне өзгеріс енгізу туралы» шешім жобасымен таныстырды. Әрі қарай, Тасқала аудандық мәслихаттың сессия отырысына жолдауға ұсынды.

Фото