Конкурс өткізу туралы хабарландыру

Конкурс өткізу туралы хабарландыру

«ҚазАвтоЖол» Ұлттық компаниясы» акционерлік қоғамы Қоғамдық кеңесті қалыптастыру жөніндегі жұмыс тобының (бұдан әрі – жұмыс тобы) мүшелерін іріктеу бойынша конкурс өткізу туралы хабарлайды.

Жұмыс тобы «Қоғамдық кеңестер туралы» Қазақстан Республикасының Заңына сәйкес «ҚазАвтоЖол» ҰК» АҚ Қоғамдық кеңес мүшелерін іріктеу жөніндегі конкурсты ұйымдастыру және өткізу мақсатында қалыптастырылады.

Жұмыс тобының құрамы 5 адамнан тұрады.

Конкурсқа қатысуға коммерциялық емес ұйымдардың өкілдері және мемлекеттік қызметші болып табылмайтын, Қазақстан Республикасы заңнамасының талаптарына сәйкес келетін Қазақстан Республикасының азаматтары шақырылады.

Конкурсқа қатысу үшін келесі құжаттарды ұсыну қажет:

1) осы Ережеге 1-қосымшаға сәйкес нысан бойынша коммерциялық емес ұйымның жазбаша ұсынысы және (немесе) азаматтың жұмыс тобының құрамына кандидатура ұсыну туралы өтініші;

2) кандидаттың өмірбаяндық деректерді көрсете отырып, кәсіби және (немесе) қоғамдық қызметі туралы мәліметтер;

3) соттылығының болуы немесе болмауы туралы анықтама;

4) психикалық, мінез-құлық бұзылыстарының (ауруларының), оның ішінде психоактивті заттарды қолдануға байланысты болуы не болмауы туралы анықтама;

5) кандидаттың дербес деректерін жинауға, өңдеуге, таратуға және жариялауға келісім беру.

Қоғамдық кеңеске кандидатуралар бойынша ұсыныстарды хабарландыру жарияланған сәттен бастап 5 жұмыс күні ішінде Астана қаласы, Сығанақ көшесі, 60/4 мекенжайына, сондай-ақ электрондық поштаға жіберу қажет: info@qaj.kz.

Фото

Previous Next