ҚОҒАМ МЕН МЕМЛЕКЕТ АРАСЫНДА КЕРІ БАЙЛАНЫСТЫ ҚАМТАМАСЫЗ ЕТУ - ҚОҒАМДЫҚ БАҚЫЛАУДЫҢ МІНДЕТІ

Талас ауданында жүзеге асырылған қоғамдық бақылау барысында Жамбыл облыстық Қоғамдық кеңестің мониторингтік тобының мүшелері аудан тұрғындарымен кездесті.

Азаматтардың денсаулық сақтау саласы, мектепке дейінгі ұйымдарға қатысты көтерген сұрақтары тиісті мемлекеттік органдарға жолданып, берілген жауаптар өтініш иелеріне хабарланатыны жеткізілді.

Талас аудандық көпбейінді орталық ауруханасы, аудан әкімдігінің сәулет және құрылыс бөлімі, автомобиль жолдары және жолаушылар көлігі бөлімінің қызметтеріне қоғамдық мониторинг жүргізіліп, мемлекеттік көрсетілетін қызметтер сапасы зерделенді.

Орталық аурухананың бас дәрігері А.Исаков 2025 жылдың шілде айында басталған күрделі жөндеу жобасында жылу жүйесін ауыстыру қарастырылмауы, мекеменің кредиторлық қарыздары туралы мәселелерді көтерді.

Облыс әкімдігінің білім басқармасының “Қаратау құрылыс-техникалық колледжі”және құрылғанына 20 жыл толған “Қаратау технология, білім және бизнес колледжін” 2023-2025 жылдары мемлекеттік тапсырыс негізінде аяқтаған түлектердің (436+80) мамандығы бойынша жұмысқа орналасу пайызының нысаналы индикаторларға сәйкестігіне мониторинг жүргізілді.

Қоғамдық бақылау қорытындысымен аталған мемлекеттік органдар қызметінің тиімділігін және ашықтығын арттыру жөнінде ұсыныстар берілетін болады.

Фото

Previous Next