Қонаевта «Барыс» эко-паркінің алғашқы ағаштарын отырғызу рәсімі өтті

Қонаевта «Барыс» эко-паркінің алғашқы ағаштарын отырғызу рәсімі өтті

Эко-парктің алғашқы ағаштарын отырғызу салтанатына Алматы облысының әкімі Марат Сұлтанғазиев қатысты.

Жоба «Таза Қазақстан» жалпыұлттық экологиялық бағдарламасы аясында «Таза қала» экологиялық акциясы негізінде ұйымдастырылды. Іс-шараға облыстық мәслихат депутаттары, өңірдің құрметті азаматтары, жастармен қатар Алматы облысының Қоғамдық кеңесі мүшелері белсене қатысты.

Қоғамдық кеңес өкілдері бұл бастаманы қолдап қана қоймай, өңірді көгалдандыру және экологиялық мәдениетті қалыптастыру бағытындағы жұмыстарға белсенді араласып келеді. Сондай-ақ, олар жобаның жүзеге асу барысына қоғамдық бақылау жүргізудің маңыздылығын атап өтті.

Аумаққа 200 түп ағаш отырғызылды. Атап айтқанда, терек, акация, тал, қарағаш, катальпа және сумах. Алдағы уақытта эко-парк аумағын абаттандыру жұмыстары жалғасып, жалпы 5 мың ағаш отырғызу жоспарланған.

Жоба толық іске асқаннан кейін «Барыс» эко-паркі қала тұрғындары мен қонақтары үшін заманауи демалыс орнына айналады деп күтілуде.

Фото

Previous Next