КЕЛЕС АУДАНДЫҚ ҚОҒАМДЫҚ КЕҢЕС «ҚАЗЫНАЛЫ ҚАРИЯ ТЕҢ ҚОҒАМ» ӘЛЕУМЕТТІК ҚЫЗМЕТ КӨРСЕТУ ОРТАЛЫҒЫНА МОНИТОРИНГ ЖҮРГІЗДІ.

Бүгін Келес аудандық Қоғамдық кеңес мүшелері Байдаулетов Нұрболат пен Ынтымақ Жолдасбек «Қазыналы Қария Тең Қоғам» әлеуметтік қызметтер көрсету орталығына арнайы мониторинг жүргізіп қайтты.

Мониторинг барысында зейнеткерлерге берілетін сауықтыру орындарына жолдамалар мәселесі жан-жақты талқыланды. Атап айтқанда, жолдамаға баратын зейнеткерлердің саны, кезек тәртібі және бағыттары қаралды. Қазіргі таңда жолдамалар «Сапа», «Ардагерлер үйі», «Мейір» сауықтыру орындарына берілетіні айтылды.Сонымен қатар, Сарыағаш, Мерке, Түлкібас, Жаңақорған қалаларындағы сауықтыру орындарына жолдамалардың не себепті қарастырылмай отырғаны көтеріліп, бұл бағытты кеңейту қажеттігі ұсынылды.   

Кездесу барысында мекеменің жалпы жұмысы, қызметкерлердің қызметі, сондай-ақ бөлімшелердің (Тең-Қоғам,Ақтөбе,Абай ауылында орналасқан) атқарып жатқан жұмыстары да талқыланды.

Мекемеде тұзды бөлме, электрлік физиотерапия, массаж сияқты сауықтыру қызметтерінің бар екені атап өтілді.

Қоғамдық кеңес мүшелері тарапынан мекеменің материалдық-техникалық базасын жақсарту бойынша нақты ұсыныстар берілді. Атап айтқанда, заманауи талаптарға сай үлкен ғимарат қажеттігі, кең асхана, демалыс бөлмелері, акт залы қарастырылуы тиіс екені айтылды.

Жалпы, мониторинг қорытындысы бойынша бірқатар ұсыныстар беріліп, алдағы уақытта жұмысты жетілдіру бағыттары айқындалды.

Фото

Previous Next