Қоғамдық кеңестің мектептегі тамақтану мәселелері бойынша көшпелі отырысқа қатысуы

2026 жылғы 20 ақпанда Көкшетау қаласы Қоғамдық кеңесінің мүшелері депутаттық өкілеттіктер мен әдеп, халық денсаулығы, білім, мәдениет, заңдылық және құқықтық тәртіп мәселелері жөніндегі Көкшетау қаласы мәслихатының тұрақты комиссиясының көшпелі отырысына қатысты.

Отырыс барысында Көкшетау қаласының М. Ғабдуллин атындағы №3 мектеп-гимназиясы оқушыларының тамақтану сапасы мәселесі қаралды. Тамақтануды ұйымдастыру шарттары, ұсынылған құжаттар (шарт, мәзір, баға ұсыныстары) зерделенді, сондай-ақ ас блогын тексеру және тағамдардың дәмін тату жүзеге асырылды.

Сондай-ақ қамқоршылық кеңес өкілдерінің және тамақтандыруды ұйымдастыру жөніндегі қызметтерді жеткізушінің пікірі тыңдалды.

Талқылау қорытындысы бойынша мәселені қосымша зерделеу және комиссия отырысында қайта қарау бойынша одан әрі шаралар айқындалды.

Фото

Previous Next